nepal life

हाकनं थकाल पेट्रोलियम पदार्थया भाः

नेवा: अनलाइन न्युज | २०७४ पौष ५, बुधबार १०:५४:१८

नेपाल आयल निगमं मंगलवाः चान्हय् १२ ईनिसें लागू जुइकथं पेट्रोलियम पदार्थया मू थकाःगु दु । झिंन्यान्हुया दुने थथे भाः थकाःगु थ्व निक्वःगुखुसि खः ।

निगमं पेट्रोल, डिजेल व मचिकनय् प्रतिलिटर छतका छतका दांयादरं भाः थकाःगु निगमया प्रवक्ता वीरेन्द्र गोइतं जानकारी ब्यूगु दु ।

लिपांगु इलय् जूगु मूल्यवृद्धिया लिसें आः प्रतिलिटर पेट्रोलया मू सच्छि व छतका दां व डिजेल व मचिकंया भाः ७८ तका दां कायम जूगु दु ।

पेट्रोलियम पदार्थय् अन्तर्राष्ट्रिय बजारय् मूल्यबृद्धि जुइधुंकाः स्वचालित मू प्रणालीकथं मू समायोजन याःगु प्रवक्ता गोइतं जानकारी ब्यूगु दु ।

लिपांगु इलय् मू समायोजनलिसें निगमया मासिक घाटा ११ करोड ३९ लख तकाय् क्वाहाँ वःगु जानकारी ब्यूगु दु । थौंकन्हय् निगमया मासिक घाटा १९ करोड तका जूगु धाःगु दु । आयोगं थ्वसिबें न्ह्यः मंसीर २२ गते मूल्यबृद्धि याःगु खः ।

भुतू ज्याय् छ्यलीगु एलपी ग्यास धाःसा मंसीर २२ गते नीन्यातका थकाःगु खःसा थुगुखुसिया मूल्यबृद्धिइ थकाःगु मदु ।

Categorized in बजाः