nepal life

हत्यारा आः म्वातले जेल च्वनेमालीगु

नेवा: अनलाइन न्युज | २०७४ कार्तिक ६, सोमबार १५:१६:२४

मुलकी ऐन १६४ दँ लिपा पूर्ण रुपं न्हूगु निर्माण जूगु दु । तत्कालीन प्रधानमन्त्री जंगबहादुर राणां डेढ शताब्दी न्ह्यः दयेकातःगु ऐन तःक्वःमछि संशोधन जुयाः वःसां नं पूर्ण रुपं प्रतिस्थापन जूगु मदु ।

मुलुकी ऐन प्रतिस्थापन सम्बन्धी संसदं पारित याःगु विधेयक राष्ट्रपति विद्यादेवी भण्डारीं प्रमाणीकरण यायेधुंकाः कानून निर्माण जूगु खः ।

वइगु दँया भदौ १ गतेनिसें जक कार्यान्वयनय् वइगु मुलकी ऐन अन्तर्गत फौजदारी कसुर सम्बन्धी कानूनय् हत्या, अपहरण, बहुविवाह, गर्भपतन लिसेंया विषयस सजायया व्यवस्था याःगु दु ।

थथे दु म्वातले जेल च्वने मालीगु अपराध ः

- क्रुर यातना बियाः निर्ममतापूर्वक ज्यान काःगु
- अपहरण यानाः बाय् वायु यान अपहरण यानाः बाय् विस्फोट यानाः ज्यान काःगु
- अपहरण यानाः बाय् शरीर बन्धक कयाः ज्यान काःगु
- सार्वजनिक रुपं छ्यलाबुला जुइगु पेय व खाद्य पदार्थय् विष तयाः ज्यान काःगु
- छुं जात, जाति बाय् सम्प्रदायया अस्तित्व हे लोप जुइगु कथं जाति हत्या याःगु बाय् यायेगु आज्जुं कसुर याःगु
- जवर्जस्ती करणी यानाः ज्यान काःगु

(थौं ने.सं. ११३८ कार्तिक ६ गते नयाँ पत्रिका न्हिपती पिदंगु बुखँ)

Categorized in पत्रपत्रिका