नेवा: अनलाइन न्युज – ललेन्द्र शाक्य | २०७३ माघ ६, बिहिबार ०९:४१:५५

म्येच्वमि व शिक्षक सुन्दर पन्तया च्वसां पिज्वःगु ‘सुन्दर सपना’ नांया म्येचाः बरिष्ठ म्येच्वमि कृष्णहरी बरालया ल्हाःतं चिखिफ्यने ज्याझ्वः जुल ।

उगु म्येचाः दुने प्यपू आधुनिक म्ये, स्वपू लोक पप म्ये व छपू राष्ट्रिय म्ये यानाः च्यापू म्ये दुथ्याकातःगु दु ।

थुगु एल्बमय् अञ्जु पन्त, सन्तोष लामा, तारावीर पाण्डे, टंक बुढाथोकी, सन्तोष रजौरे, पुष्पा गुरुङ, विजय थापापिनिगु सः दुथ्यानाच्वंगु दुसा कल्याण सिंह, सन्तोष लामा, सन्तोष रजौरे, टंक बुढाथोकी, तारावीर पाण्डेया संगीत दुथ्यानाच्वंगु दु । फुक्क म्येया संगीत संयोजन दिनेश श्रेष्ठं यानादीगु दु ।

उगु म्येचा दुने दुथ्यानाच्वंगु म्ये व संगीतया विषयस बरिष्ठ संगीतकार बुलु मुकारुङं समीक्षात्मक टिप्पणी यानादीगु खः ।

म्येचाः दुने दुथ्याःगु सन्तोष लामाया सलय् ‘नागबेली चाल’ व तारावीर पाण्डेया सलय् ‘माया गर्नु पराईलाई’ बोलया म्येया म्यूजिक भिडियो नं सार्वजनिक याःगु खः ।

थुगु म्येचाः आर्टिष्ट नेपालं बजारय् हःगु खः ।

Categorized in कला