nepal life

सिटी एक्स्प्रेस मनी ट्रान्सफर उत्सव एक्स्प्रेस योजनाया विजेता घोषित

नेवा: अनलाइन न्युज – ललेन्द्र शाक्य | २०७४ कार्तिक ६, सोमबार १५:३८:१५

सिटी एक्स्प्रेस मनी ट्रान्सफरं उत्सव एक्स्प्रेस योजनाया खुगूगु वाःया विजेतापिं घोषणा याःगु दु ।

कम्पनीं इलेक्ट्रोनिक लक्की ‘ड्र’पाखें वहःया मोहः व ओप्पो फोन विजेताया नां घोषण याःगु खः । वहःया मोहः विजेताया रुपं बुद्धिलाल श्रेष्ठ, लक्ष्मण लिम्बु, सबिला खातुन, लक्ष्मी सहानी, अष्टमाया तामाङ योञ्जन, नानीराम थापा व कमल सिंह तामाङपिं छनौट जूगु दु । अथेहे ओप्पो फोन विजेताया रुपं सरिता राई छनौट जूगु दु ।

ताः इलंनिसें मनी ट्रान्सफर सम्बन्धी सेवा उपलब्ध याकाः वयाच्वंगु सिटी एक्स्प्रेसं सकल नेपाःमिपिनिगु तःधंगु नखः मोहनी व स्वन्ति लिसें छठ पर्वयात लक्षित यासें थःगु उपहार योजना न्ह्याकाः वयाच्वंगु खः ।

कम्पनीं थुगुखुसि थः उपभोक्तापिनिगु नितिं गुइन्हु (९० दिं) तक न्ह्याइगु उपहार योजना सार्वजनिक याःगु खः ।

सिटी एक्स्प्रेसया कथं उपहार योजना अन्तर्गत उपभोक्तापिन्सं न्हिथं छगू तोला वहःया मोहःत, क्याप, टीसर्ट व किरिङ उपहार त्याके फइ ।

अथेहे, वाःपतिकं छम्ह भाग्यशाली विजेतां ओप्पो मोबाइल व प्रत्येक महिनाय् छम्हेसित एलजी रेफ्रिजेरेटर उपहार बियाः वयाच्वंगु दु ।

उपहार योजनाया दकले लिपांगु इलय् छम्ह भाग्यशाली विजेतां बम्पर उपहार कथं रेनौल्टया क्विड आरएक्सएल कार त्याके फइगु व्यवस्था यानातःगु दु ।

कम्पनीया कथं न्हिथं, वाःपतिकं व मासिक विजेतापिं तकं बम्पर उपहारया नितिं छनौट जुइगु जानकारी ब्यूगु दु ।

उपहार योजनाय् राष्ट्रिय व अन्तर्राष्ट्रिय कारोबार याइपिं निगुलिं वर्गया ग्राहक दुथ्याइगु कम्पनीं जानकारी ब्यूगु दु ।

मेगु जानकारीया नितिं सिटी एक्स्प्रेस मनी ट्रान्सफर फेसबुक पेजय् वनाः स्वयेत नं कम्पनीं इनाप याःगु दु ।

Categorized in बजाः