nepal life

सिटी एक्स्प्रेस मनी ट्रान्सफर उत्सव एक्स्प्रेस योजनाया विजेता घोषित

नेवा: अनलाइन न्युज – ललेन्द्र शाक्य | २०७४ आश्विन २३, सोमबार १४:२९:४१

सिटी एक्स्प्रेस मनी ट्रान्सफर उत्सव एक्स्प्रेस योजनाया भाद्र २९ निसें असोज २१ तकया विजेतपिनिगु नां घोषणा याःगु दु ।

कम्पनीं इलेक्ट्रोनिक लक्की ड्रपाखें वहःया मोहः व ओप्पो फोन विजेतापिनिगु नां घोषणा याःगु खः ।

वहःया सिक्का मोहः विजेताया रुपं शिव खनाल, बालकुमार सुनुवार, सम्झना ढकाल, जनकमाया लामा, रामवती सर्वरिया, निरु सुवेदी, प्रमिला गिरी, युकेश श्रेष्ठ, हेमकुमारी मगर, भक्तबहादुर तामाङ, दानमाया रानामगर, फुलमाया घलान, ओम सारी पुन, हिरा पुर्कुटी, लक्ष्मी घर्ती, रुकमाया राई, आशिक गुरुङ व गंगाबहादुर पुनपिनिगु नां सार्वजनिक याःगु खः ।

अथेहे, ओप्पो फोन विजेताया रुपं रुपेश रानामगर व उम्माया गुरुङया नां सार्वजनिक याःगु खः ।

ताःईनिसें मनी ट्रान्सफर सम्बन्धी सेवा उपलब्ध याकाः वयाच्वंगु सिटी एक्स्प्रेसं सकल नेपाःमिपिनिगु तःजिगु नखः मोहनी–स्वन्ति व छठयात लक्षित यासें थःपिनिगु उपहार योजना न्ह्याकूगु खः ।

कम्पनीं थुगुखुसि थःपिनि उपभोक्तापिनिगु नितिं ९० दिंतक न्ह्याइगु उपहार योजना सार्वजनिक याःगु खः ।

सिटी एक्स्प्रेसया कथं उपहार योजना अन्तर्गत उपभोक्तापिन्सं न्हिथं १ तोला वहःया मोहःत, क्याप, टीसर्ट व किरिङ उपहार त्याके फइ । अथेहे, वाःपतिकं छम्ह भाग्यशाली विजेतां ओप्पो मोबाइल व ला पतिकं (महिना पतिकं) छम्हेसित एलजी रेफ्रिजेरेटर उपहार बियाः वयाच्वंगु दु ।

उपहार योजनाया दकलें लिपा छम्ह भाग्यशाली विजेतां बम्पर उपहारया रुपं रेनौल्टया क्विड आरएक्सएल कार त्याके फइ ।

कम्पनीया कथं न्हिथं, वाःपतिकं व ला पतिकंया विजेतापिं तकं बम्पर उपहारया नितिं छनौंट जुइगु जानकारी ब्यूगु दु ।

उपहार योजनाय् राष्ट्रिय व अन्तर्राष्ट्रिय कारोवार याइगु निगुलिं वर्गया ग्राहक दुथ्याइगु कम्पनीं जानकारी ब्यूगु दु ।

कम्पनीं पूवंक जानकारी कायेगु नितिं सिटी एक्स्प्रेस मनी ट्रान्सफर फेसबुक पेजय् वनाः स्वयेत नं इनाप याःगु दु ।

Categorized in बजाः