nepal life

सिटी एक्स्प्रेस मनी ट्रान्सफर उत्सव एक्स्प्रेस योजनाया विजेता घोषित

नेवा: अनलाइन न्युज – ललेन्द्र शाक्य | २०७४ आश्विन ९, सोमबार १४:२४:४२

सिटी स्क्स्प्रेस मनी ट्रान्सफर उत्सव एक्सप्रेस योजनाया निक्वःगु वाःया विजेतापिं घोषणा याःगु दु ।

कम्पनीं इलेक्ट्रोनिक लक्की ड्रपाखें वहःया पाँय्म्वः व ओप्पो फोन विजेताया नां घोषणा याःगु खः ।

वहःया पाँय्म्वः विजेताया रुपं प्रेमबहादुर आलेमगर, ललिता राई, लोकराज शर्मा, रामप्रीत केवत्, शोभा थापामगर, अनुजा भट्टराई, सम्झना ढकाल, सुनिता महर्जनपिन्त ल्यःगु दु ।

अथेहे, ओप्पोे फोन विजेताया रुपं चिराकुमार िशर्मायात ल्यःगु खः ।

ताःई न्ह्यवःनिसें मनी ट्रान्सफर सम्बन्धी सेवा उपलब्ध याकाः वयाच्वंगु सिटी एक्स्प्रेसं सकल नेपाःमिया तःधंगु नखः मोहनी व स्वन्ति लिसें छठ पर्वयात लक्षित यानाः थःपिनिगु उपहार योजना संचालन याःगु खः ।

कम्पनीं थुगुखुसि थः उपभोक्तापिनिगु नितिं ९० दिंतक न्ह्याइगु उपार योजना सार्वजनिक याःगु खः ।

सिटी एक्स्प्रेसया कथं उपहार योजना अन्तर्गत उपभोक्तापिन्सं न्हिथं १ तोला वहःया पाँय्म्वःत, क्याप, टीसर्ट व किरिङ त्याके फइ ।

अथेहे, साप्ताहिक रुपं छम्ह भाग्यशाली विजेतां ओप्पो मोबाइल व हरेक महिना छम्हेसित एलजी रेफ्रिजेरेटर उपहार बिइगु याइ ।

उपहोर योजनाया लिपांगु इलय् छम्ह भाग्यशाली विजेतां बम्पर उपहारया रुपं रेनौल्टया क्वीड आरएक्सएल कार त्याके फइ ।

कम्पनीया कथं न्हिथं, साप्ताहिक व मासिक विजेतापिं तकं बम्पर उपहारया नितिं छनोट जुइगु जानकारी ब्यूगु दु ।

उपहार योजनाय् राष्ट्रिय व अन्तर्राष्ट्रिय कारोवार याइपिं निगुलिं वर्गया ग्राहकपिन्त दुथ्याकीगु कम्पनी जानकारी ब्यूगु दु ।

कम्पनीं थप जानकारी कायेगु नितिं सिटी एक्स्प्रेस मनी ट्रान्सफर फेसबुक पेज चायेकाः स्वयेत नं इनाप याःगु दु ।

Categorized in बजाः