nepal life

सिटी एक्स्प्रेस मनी ट्रान्सफरं ७ क्वःगु विजेतापिं घोषणा यात

नेवा: अनलाइन न्युज – ललेन्द्र शाक्य | २०७४ कार्तिक १३, सोमबार १३:२७:२९

सिटी एक्स्प्रेस मनी ट्रान्सफरं उत्सव एक्स्प्रेस योजनाया ७ क्वःगु वाःया विजेतापिं घोषणा याःगु दु ।

कम्पनीं इलेक्ट्रोनिक लक्की ड्रपाखें वहःया मोहः व ओप्पो फोन विजेतापिनिगु नां घोषणा याःगु खः ।

वहःया मोहः त्याकूपिं शन्तादेवी दाहाल, आशो कुमार राजबंशी, रेश्मा खनाल, लक्ष्मी बस्नेत, राजु थापा, विरेन्द्र धामी, गुलाबी कुमारी देवी मण्डल व मासिनी तामाङ ल्यःगु खःसा अथेहे ओप्पो फोन त्याकूम्ह सप्तरीया राखी यादव खः ।

ताःईनिसें मनी ट्रान्सफर सम्बन्धि सेवा उपलब्ध याकाः वयाच्वंगु सिटी एक्स्प्रेसं सकल नेपाःमिपिनिगु तःधंगु नखः मोहनी व स्वन्ति व छठयात लक्षित यासें थःगु उपहार योजना संचालन याःगु खः । कम्पनीं थुगु खुसि थः उपभोक्तापिनिगु नितिं ९० न्हु तक न्ह्याइगु उपहार योजना सार्वजनिक याःगु खः ।

सिटी एक्स्प्रेसया कथं उपहार योजना अन्तर्गत उपभोक्तापिन्सं न्हिथं १ तोला वहःया मोहः, क्याप, टीसर्ट व किरिङ उपहार त्याकेफइगु व्यवस्था यानातःगु दु ।
अथेहे वाः पतिकं छम्ह भाग्यशाली विजेतां ओप्पो मोबाइल व हरेक महिनाय् छम्हेसित एलजी रेफ्रिजेरेटर उपहार बियाः वयाच्वंगु खः ।

उपहार योजनाया दकले लिपा छम्ह भाग्यशाली विजेतां बम्पर उपहार कथं रेनौल्टया क्वीड आर.एक्स.एल. कार त्याके फइ । कम्पनीया कथं न्हिथं, वाः पतिकं व मासिक रुपं विजेता जूपिं तकं उगु बम्पर उपहारया नितिं छनौट जुइगु जानकारी ब्यूगु दु ।

उपहार योजनाय् राष्ट्रिय व अन्तर्राष्ट्रिय कारोवार याइगु निगुलिं वर्गया ग्राहक दुथ्याइगु कम्पनीं जानकारी ब्यूगु दु ।

थप जानकारीया नितिं पेज CTXpressMT बाय् सिटी एक्स्प्रेसया मू ज्याकुथि सिटी एक्स्प्रेस कम्प्लेक्स कमलादीइ स्वापू तयेत कम्पनीं इनाप याःगु दु ।

Categorized in बजाः