nepal life

सिटी एक्स्प्रेस उत्वसया झिक्वःगु वाःया विजेतापिं घोषणा

नेवा: अनलाइन न्युज – ललेन्द्र शाक्य | २०७४ मङ्सिर ३, आइतबार १६:०७:५६

सिटी एक्स्प्रेस मनी ट्रान्सफरं उत्सव एक्स्प्रेस योजनाया झिक्वःगु वाःया विजेतापिनिगु नां घोषणा याःगु दु । कम्पनीं इलेक्ट्रोनिक लक्की ड्र पाखें वहःया मोहः, ओप्पो फोन विजेता व एलजी रेफ्रिजेरेटर विजेतापिनिगु नां घोषणा याःगु खः ।

वहःया मोहः विजेताया रुपं सिता कुमारी माया, सुनावती राजवंशी, कुमारी मग्राती, मोहन कुमारी गुरुङ, दिलबहादुर गुरुङ, शारदा दुलाल व पार्वती थापा ल्यःगु दु ।

अथेहे निक्वःगु एलजी रेफ्रिजेरेटर विजेताया रुपं नवलपरासीया जुना विक ल्यःगु दु ।

ताःईनिसें मनी ट्रान्सफर सम्बन्धी सेवा उपलब्ध याकाः वयाच्वंगु सिटी एक्स्प्रेसं सकल नेपाःमिपिनिगु तःधंगु नखः मोहनी व स्वन्ति लिसें छठपर्वयात लक्षित यासें थःगु उपहार योजना संचालन यानाः वयाच्वंगु खः ।

कम्पनीं थुगुखुसि थः उपभोक्तापिनिगु नितिं गुइन्हु (९० दिं) तक न्ह्याइगु उपहार योजना सार्वजनिक याःगु खः ।

सिटी एक्स्प्रेसया कथं उपहार योजना अन्तर्गत उपभोक्तापिन्सं न्हिथं १ तोला वहःया मोहः, क्याप, टीशर्त व किरिङ उपहार त्याकेफइगु व्यवस्था यानातःगु दु ।

अथेहे, वाःपतिकं छम्ह भाग्यशाली विजेतां ओप्पो मोबाइल व प्रत्येक महिनाय् छम्ह भाग्यशाली विजेतां एलजी रेफ्रिजेरेटर उपहार त्याकेफइगु व्यवस्था यानातःगु दु ।

उपहार योजनाया अन्त्यय् छम्ह भाग्यशाली विजेतां बम्पर उपहारया रुपं रेनौल्टया क्विड आर.एक्स.एल. कार त्याकेफइ । कम्पनीया कथं न्हिथं, वाःपतिकं व मासिक विजेतापिं तकं उगु बम्पर उपहार योजनाया नितिं छनोट जुइगु जानकारी ब्यूगु दु ।

उपहार योजनाय् राष्ट्रिय व अन्तर्राष्ट्रिय कारोवार याइपिं निगुलिं वर्गया ग्राहकपिं दुथ्याइगु कम्पनीं जानकारी ब्यूगु दु ।

Categorized in बजाः