nepal life

सिटी एक्स्प्रेसया मनी ट्रान्सफर उत्सव योजनाया ९ क्वःगु विजेतापिं घोषणा

नेवा: अनलाइन न्युज – ललेन्द्र शाक्य | २०७४ कार्तिक २६, आइतबार १५:४१:११

सिटी एक्स्प्रेस मनी ट्रान्सफरं उत्सव एक्स्प्रेस योजनाया गुक्वःगु वाःया विजेतापिं घोषणा याःगु दु ।

कम्पनीं इलेक्ट्रोनिक लक्की ड्रपाखें वहःया मोहः व ओप्पो फोन विजेताया नां घोषणा याःगु खः ।

वहःया मोह विजेताया रुपं रुक्मनी कुमारी देवी, लक्ष्मी राई, गुमादेवी कँडेल, सुशिल कुमारी यादव, सुनिता लोप्चोन व लक्ष्मी अधिकारी छनोज जूगु खः ।

अथेहे, ओप्पो फोन विजेताया रुपं सुन्सरीया रनीता साडा छनोट जूगु खः ।

ताःईनिसें मनी ट्रान्सफर सम्बन्धी सेवा उपलब्ध याकाः वयाच्वंगु सिटी एक्स्प्रेसं सकल नेपाःमिया तःधंगु नखः मोहनी व स्वन्ति लिसें छठयात लक्षित यासें थःगु उपहार योजना संचालन यानाः वयाच्वंगु खः । कम्पनीं थुगुखुसि थः उपभोक्तापिनिगु नितिं गुइन्हु (९० दिं) तक न्ह्याइगु उपहार योजना सार्वजनिक याःगु खः ।

सिटी एक्स्प्रेसया कथं उपहार योजना अन्तर्गत उपभोक्तापिन्सं न्हिथं छगू तोला वहःया मोहः, क्याप, टीसर्ट व किरिङ उपहार त्याकेफइ । अथेहे, साप्ताहिक रुपं छम्ह भाग्यशाली विजेतां ओप्पो मोबाइल व हरेक महिना छम्हेसित एलजी रेफ्रिजेरेटर उपहार लःल्हानाः वयाच्वंगु दु ।

उपहार योजनाया दकले लिपा छम्ह भाग्यशाली विजेतां बम्पर उपहारया रुपं रेनौल्टया क्वीड आरएक्सएल कार त्याके फइ । कम्पनीया कथं न्हिथं, वाःपतिं व मासिक विजेतापिं तकं बम्पर उपहारया नितिं छनौट जुइगु जानकारी ब्यूगु दु ।

उपहार योजनाय् राष्ट्रिय व अन्तर्राष्ट्रिय कारोवार याइपिं निगुलिं वर्गया ग्राहक दुथ्याइगु कम्पनीं जानकारी ब्यूगु दु ।

थप जानकारीया नितिं सिटी एक्स्प्रेसया पेज ऋत्ह्उचभककःत् बाय् सिटी एक्स्प्रेसया मू ज्याकुथि सिटी एक्स्प्रेस कम्प्लेक्स कमलादीइ स्वापू तयेत इनाप याःगु दु ।

Categorized in बजाः