nepal life

सिंहदरबार न्ह्यःने ट्याक्सीया ठक्करं मोटरसाइकल चालक सित

नेवा: अनलाइन न्युज | २०७४ कार्तिक २६, आइतबार १६:३४:५९

ट्याक्सीया ठक्करं छम्ह मोटरसाइकल चालक थौं सुथय् सीगु दु । येँया सिंहदरबार चोक लिक्क बा२ज २३४४ ल्याःया ट्याक्सीं ठक्कर बियाः बा३३प ७४३ ल्याःया मोटरसाइकल चालक धादिङ रुबीभ्यालीया २१ दँया रुप घले सीगु खः ।

ठक्कर बियाः घाःपाः जूम्ह घलेया राष्ट्रिय ट्रमा सेन्टरय् वासःया झ्वलय् सीगु महानगरीय ट्राफिक प्रहरी महाशाखाया प्रवक्ता व प्रहरी उपरीक्षक उमेश रंजितकारं जानकारी बियादीगु खः । ट्याक्सीलिसें चालकयात प्रहरीं नियन्त्रणय् कयाः अनुसन्धान न्ह्याकूगु खः ।

Categorized in दुर्घटना-अपराध