nepal life

साहित्य व संस्कृति म्वाकिगु लागि दनेत स्वया च्वंगु छगु नेवाः संस्था

नेवा: अनलाइन न्युज | २०७४ माघ ३, बुधबार २२:३४:४०

इन्द्रमान मर्हजन
छु न संस्था या ज्या व स्थापना धइगु थगु निजि स्वार्थ पूर्तिया लागि जक जुइमखु वकि दुने मानव मैत्री भावना न ल्वाकज्याना च्वंगु दइ तर थौं या समाज आधुनिकता या दथुई म्वाना च्वंगु समाज जुइधुंकल अथेसां तबि झीसं झीगु म्हसिका या लागि ल्वाना हे च्वंना तिनी गबले राजनीति रुपं गबले सामाजिकआर्थिक निसे थिथि तरिका तर झीसं ल्वाना च्वंनागु इलय् झीसं थगु लिउने या अंग व छें या जग गथे जुया च्वंन धका झीसं स्वया च्वंनागु थें मखं वहे कमजोरी यात कम याना येंके माःगु थौंया आवश्यकता जुइधुंकल । झीसं झीगु माः भाय्या साहित्य यात विश्व बजारीकरण याये्त स्वया च्वंनागु इलय् वः न याये् मफूतः छाय् कि सामाजिक उत्तरदायित्व झी थाहाँ वना भाषिक लैंगिक निसे थिथि थासय् यानागु बहस थासय् थ्यंके मफूगु छगू कारण खसाः छगू राजनीतिक कमजोरी न खः व छु धासा झीसं त्याकापिं झीगु नेवाः राज्यया माग याना दं वपिं सभासद तय्सं संसद दुने वना सः तय् मफूगुलिं थथे जुगु खने दु। वला छगु राजनीतिक सामाजिकआर्थिक कारण जुहे जुल धासा छुं पाईमखु।

भाषा लिपिया प्रशिक्षकत छ्वया ग्वाहालिं याये फसा अझ बांलाइगु खनेदु। वयकःया विचाः पूवने आशा यासें संस्था या उत्तरउत्तर प्रगति लिसें भिन्तुना वियाच्वंना

मेगु कारण यात दुवाला स्वल कि जातीय कारण – गथे कि आतक्क न २१ सौं शताब्दी थ्यने धुंकल व ज्यापू व नाय् व जात थ्व जात धाइगु कारण छगु गुकि याना झीगु माः भाय् निसे साहित्य संस्कृति व बाजागाजं दुने मेपनिगु मिखा लाः वंगु खनेदु। गुकि यात ज्यंका वनेत ज्यापू समाज यलःया साँस्कृतिक कमिटीया गूरुः व थुगु संस्थाया मू नायः गुरु राजेन्द्र महर्जन गुम्ह ताःइ न्ह्यं निसे थीथी नेवाः बाजं निसे थिथि आधुनिक बाजंत स्यनाच्वंना दिगु ख वय्कः यागु नेतृत्व छगु अज्यागु संस्था गठनया आवश्यकता खंका दिल गुकिया उद्देश थिथि नेवाःबाजं निसे आधुनिक बाजं संरक्षण लिसे न्हूपुस्ता यात स्यनेमागु व संरक्षण या लागि पहल यायेत संरक्षण या तरिका स्यनेत व भाषा कला साहित्य निसे इतिहास तक्क या ज्ञान विइ दसा ज्यू धइगु मनसाय न श्री जट्टाधारी नित्यनाथ एकीकृत बाजं खलः संस्था गठन यानादिल अलय् छु नं जातीय विभेद मतइसे सकलसित उतिख्यना थिथि नेवाःबाजं निसे आधुनिक बाजं त स्यनेगु लागि व सःपि मनुतय्त मेमे पिन्थाय् स्यंका छ्वयेगु लागि प्रशिक्षक नं तयार यानादिल । आः वया मादल धिमे निसे थीथी नेवाःबाजं या प्रशिक्षकत दये धुंकुगु अवस्था दु गन व वंगु छवा न्ह्यं तिनी स्वला तक्क यलःया लेले धागु थासे अन हे प्रशिक्षक छ्वया प्रशिक्षार्थी पिन्त व लेले थिथि गुठीले धिमय् स्यनेगु ज्या क्वचागु दु। आशा याये न्हूँज्या थथे न्ह्याइ धकाः। आःवया भाषा व लिपि कक्षा छगू नं तयेदसा जिउ धइथें वयकःया याःगु चिन्ता खः । उकिया नितिं झीसं छुं न छुं भाषा लिपिया प्रशिक्षकत छ्वया ग्वाहालिं याये फसा अझ बांलाइगु खनेदु। वयकःया विचाः पूवने आशा यासें संस्था या उत्तरउत्तर प्रगति लिसें भिन्तुना वियाच्वंना।

Categorized in बिचा: