nepal life

सावधान ः येँय् बोटल व जारया लः नं दुषित

नेवा: अनलाइन न्युज | २०७४ कार्तिक १७, शुक्रबार ०९:४३:५२

सरकारी परीक्षणं येँया नयाँबस्तीइ च्वंगु जल प्योर ड्रिङकिङ वाटर प्रा.लि.पाखें उत्पादित जार व बोटलया मिनिरल वाटर लः गुणस्तरहीन जूगु लुइकूगु दु ।

लः गुणस्तरहीन लुइकेधुंकाः वंगु साउन १६ गते खाद्य प्रविधि व गुण नियन्त्रण विभागं उगु कम्पनीविरुद्ध येँ जिल्ला प्रशासन ज्याकुथिइ मुद्दा दायर याःगु खः ।

उपभोक्तापिन्सं ब्यूगु उजुरीया आधारय् अनुगमन याःबलय् ब्याच ल्याः ४ या अक्का एक्सप्रेस ब्राण्डया लखय् कैफियत लुयावःगु खः ।

लखय् कैफियत लुइधुंकाः विभागं वंगु भदौ ११ गते महांकालय् च्वंगु पहुपति स्प्रिङ वाटर उद्योगय् सिलबन्दी यासें उत्पादन रोक्का याःगु खः ।

(थौं ने.सं. ११३८ कार्तिक १७ गते नागरिक न्हिपती पिदंगु बुखँ)

Categorized in पत्रपत्रिका