nepal life

सानिमा लाईफ इन्स्योरेन्सं जीवन वीमा न्ह्याकल

नेवा: अनलाइन न्युज – ललेन्द्र शाक्य | २०७४ मङ्सिर २५, सोमबार १५:१८:४०

सानिमा लाईफ इन्स्योरेन्स लिमिटेडं विधिवत रुपं मंसीर २२ गतेनिसें जीवन वीमा व्यवसाय न्ह्याकूगु दु ।

उगु ज्याझ्वःया मूपाहाँ वीमा समितिया नायः चिरञ्जीवी चापागाईपाखें व्यवसाय सुभारम्भ यानादीगु खः ।

सानिमा बैंक व राष्ट्रिय अन्तर्राष्ट्रिय स्तरय् व्यवसायिक अनुभव कायेत ताःलाःगु प्रतिष्ठित गैर आवसीय नेपाःमिपिं ‘एनआरएनए’ या पुचःपाखें सानिमा लाईफ इन्स्योरेन्स लिमिटेडया प्रबर्द्धन याःगु खः ।

सानिमा सरल व एकल भुक्तानी (सावधिक) जीवन वीमा योजना, सानिमा दिर्घायु (सावधिक व आजीवन) जीवन वीमा योजना, सानिमा धनपति (अग्रिम भुक्तानी) जीवन वीमा योजना कम्पनीया ज्या शुभारम्भय् जीवन वीमा योजनात जनसमक्ष न्ह्यःने हःगु खः ।

भविष्यय् वीमा विशेषज्ञ वीमाया पाखें तर्जुमा याःगु सर्वसाधारणं ययेकूगु नविनतम जीवन वीमा योजनात जनसमक्ष न्ह्यःने हयाः जीवन वीमाया क्षेत्रय् अग्रणी भूमिका म्हितीगु लक्ष्य कम्पनीं काःगु दु । उगु कम्पनीया अधिकृत पुँजी ३ अर्ब व जारी पुँजी २ अर्ब दूगु खः । जारी पुँजी मध्ये १ अर्ब ४० करोड चुक्ता जुइधुंकूगु दु ।

नियमनकारी निकायपाखें जारी निर्देशन कथं निकट भविष्यय् जारी पुँजीया ३० प्रतिशत अर्थात् ६० करोड सर्वसाधारणय् शेयर मिइगु कथं चुक्ता पुँजी २ अर्ब कायम याइगु जुइ ।

कम्पनीं थःगु न्हापांगु साधारण सभा नं क्वचायेकूगु दु । उगु साधारण सभां कुमारप्रसाद कोइराला, घनश्याम थापा, डा. सुवर्णदास श्रेष्ठ, बद्री विशाल घिमिरेपिन्त संचालक समितिइ निर्विरोध ल्यःगु खः ।

Categorized in बजाः