nepal life

सहअध्यक्षय् सहमति लिक्कः ओली व प्रचण्ड दथुइ सहलह

नेवा: अनलाइन न्युज | २०७४ माघ २९, सोमबार १८:०४:३८

मंगलवाः नं ओली व प्रचण्ड दथुइ नापलाये ज्या जुइ । निम्ह नेतापिं दथुइ सहमति जूसा बुधवाः पार्टी एकता संयोजन समितिया बैठक च्वनाः याकनं हे पार्टी एकता जुइगु सन्देश बिइगु तयारी याःगु दु ।

नेकपा एमाले व माओवादी केन्द्रया पार्टी एकतायात कयाः आशंका प्वंकाच्वंगु इलय् प्रमुख निम्ह नेता केपी शर्मा ओली व पुष्पकलम दाहाल प्रचण्डदथुइ ‘वान टु वान’ वार्ता जूगु दु ।

नेतातय्गु कथं छुं दिं दुने हे ‘याकनं पार्टी एकता’ जुइगु सन्देश बिइगु कुतः जुयाच्वंगु दु ।

एमाले नायः ओली व माओवादी नायः प्रचण्ड यलया मानभवनय् च्वंगु शारदाप्रसाद अधिकारीया निवासय् नापलाये ज्या जूगु खः । अधिकारी प्रचण्ड लिक्क लाःम्ह निर्माण व्यवसायी खः । वार्ताय् छु जुल धैगु निगुलिं पक्षं सार्वजनिक याःगु मदु ।

तर, निगुलिं दलया नेतातसें शीर्ष निम्ह नेतापिं दथुइ जूगु संवाद सकारात्मक जूगु धाःगु दु । एमाले छ्याञ्जे प्रदीप ज्ञवालीं धयादी, “क्वचाइगु चरणय् दु धैगु संकेत वःगु दु ।”

स्रोतया कथं निम्ह नेतापिं दथुइ नेतृत्वया मोडालिटीबारे सहलह जूगु दु तर, क्वचाःगु मदुनि ।

मंगलवाः नं ओली व प्रचण्ड दथुइ नापलाये ज्या जुइ । निम्ह नेतापिं दथुइ सहमति जूसा बुधवाः पार्टी एकता संयोजन समितिया बैठक च्वनाः याकनं हे पार्टी एकता जुइगु सन्देश बिइगु तयारी याःगु दु ।

माओवादीं ओली प्रधानमन्त्री व प्रचण्ड एकीकृत पार्टीया नायः जुइगु सहमति जूगु दाबी यासें वयाच्वंगु दु । तर, ओली तत्काल नायः पद हस्तान्तरण यायेगु पक्षय् खनेदूगु मदु ।

लिपांगुखुसि एमाले न्वकू बामदेव गौतमं माओवादीयात नायः बिइगु व मूछ्याञ्जे एमालें कायेगु प्रस्ताव न्ह्यःने तःगु दु । २०४७ सालय् माले व माक्र्सवादी एकीकरण जूबलय्थें सेरेमोनियल नायः व शक्तिशाली मूछ्याञ्जे दयेकेगु वय्कःया प्रस्ताव खः ।

ओली व प्रचण्ड निम्ह सहअध्यक्ष जुइगु प्रस्ताव (संक्रमणकालया नितिं मंकाः नेतृत्वया व्यवस्था) नं सहलहस जूगु खः । एकीकृत पार्टीइ तत्काल प्रचण्ड बाय् ओलीया एकल नेतृत्व सम्भव मजूगु धासें स्रोतं धाःगु दु, थुकिया हे लिक्क उखेपाखे हे वनेमाली कि धैगु खँ दु ।

माओवादी नेता नारायणकाजी श्रेष्ठ प्रकाशं एकताबारे सकारात्मक सहलह जुयाच्वंगु जानकारी बियादीगु दु । वय्कलं धयादी, “सरकार नीस्वने न्ह्यः पार्टी एकताया प्रारुप तयार जुइ । सरकार नीस्वनेधुंकाः छुं ई दुने हे पार्टी एकता घोषणा जुइ ।”

Categorized in राजनीति