nepal life

सर्वोच्च अदालतया मानहानीया आरोपय् डा.गोबिन्द केसीयात ज्वन

नेवा: अनलाइन न्युज | २०७४ पौष २४, सोमबार २१:१२:४०

सर्वोच्च अदालतया मानहानीया आरोपय् त्रिवि शिक्षण अस्पतालं ज्वना यंकुम्ह प्राध्यापक डाक्टर गोबिन्द केसीयात महानगरीय प्रहरी वृत्त सिंहदरबारय् हिरासतय् तःगु दु ।

महानगरीय प्रहरी परिसर येँया प्रमुख प्रमख रवीन्द्र धानुकं केसीयात बा १ झ ७२६६  नम्बरया  प्रहरी अस्पताया एम्बुलेन्स तयाः सिंहदरबार हयाःगु जानकारी बियादिगु दु ।
महानगरीय प्रहरी परीसर येँया पुचलं केसीयात त्रिवि शिक्षण अस्पताल अनसनस्थलं ज्वंगु खः । महानगरीय प्रहरी परिसर येँया अपरेसन प्रमुख डिएसपी बसन्त रजौरे पक्राउ पुर्जी ज्वनाः अनसनस्लथ वंगु खः ।
 

अदालतं केसी सर्वोच्च अदालतया मानहानी याःगु धासें केसींयात ज्वनाः मंगलवाः ९ बजे अदालत उपस्थित यायेत आदेश ब्यूगु खः ।
 
त्रिभुवन विश्वविद्यालय बर्खास्त यानाः चिकित्साशास्त्र अध्ययन संस्थान आईओएमका डिन डाक्टर शशि शर्मायात अदालतं पुनर्बहाली यायेत आदेश बिइवं केसीं अदालतयात मानहानी जुइगु कथं अभिव्यक्ति ब्यूगु खः ।
केसी अदालतया आदेशविरुद्ध थौं सनिलय निसें १४ क्वःगु अनसन च्वना च्वंगु खः ।

Categorized in स्थानिय-समाज