nepal life

समानता ( भाजु कृष्णभक्त बोेडेया साहित्यिक च्वसु )


देशय् ह्यूपाः लिपा थःथःगु थासं न्हूगु संबिधानय् थःगु अधिकार सुनिश्चित याकेत सःत न्ह्यब्बयेगु ज्या जुल । थ्व इलय् मिसा अधिकारबादी तय्सं नं गाक्कं हे थःगु सः तःसः जुइक जनसंख्याया ल्याखं फुक्कं थासय् मिसा तय्त नं बच्छि बच्छिया ल्याखं अधिकारमाः धका सः तयेगु ज्या जुल । समावेशी व समानताया सः थ्व खंग्व नं त्याजिक धाये सल ।
छन्हू छगू एनजिओया ग्वसालय् छगू गुंच्बकाया थासय् नकतिनि जक चायेकुगु ‘न्यू भिलेज रिसोर्ट होटेल’ य् मिसा अधिकारया खँय् सहलह ज्याझ्वः जूवन । अन मिसा मिजं उतिकंहे सिनं ब्बति काल । न्हिछिं ज्याझ्वः न्ह्यात । बहनि प्वा तिप्यंक नयेगु ज्या यात ।
 द्यनेगु ई त्यल । खं न्ह्यात ‘काः थौं झी फुक्कं थ्व हे हलय् नापं द्यनेगु जुइका मखुला ? छम्ह सिनं न्यन ।
 समानता, समावेशी व बराबरया सः न्हिछिया खँ खं ब्याके धुंकुसेलिं नापंला खःनि द्यनेगु मखुला ? गन मिसा मिजं धका बिस्कं जुई ! छम्ह सिनं न्ह्यू न्ह्यूं हे धाल । सकलसिनं ज्यू ज्यू खः खः धाल ।

छम्ह बुज्रुकम्ह मानवशाश्त्री प्रोफेसर दाहि« ग्वांय् सं फुक्कं हे तुइस्से च्वं म्ह न्हय्न्यादँ ति दये धुंम्ह जुइका व म्हिगया सहलह ज्याझ्वः लय् अतिकं हे भाबुक जुया वं धागु जुया च्वन । ‘खः फुक्कं हे थासय् समानता जुइमाः जिं नं थुकिं लीमचिला ।

म्हःयाउँक सकलं छथाय् हे द्यन । छु जुया खः मस्यु फुड् प्वाइजन, न्हू न्हूगु नसा त्वंसा, प्वा जाय्क नःगुलिंला सुथय् जुइ मलाक हे सकलसिया प्वाःस्याका पाः लाक्क हे चःबि पने हथाय् जुल ।
 मजुला फसाद ! न्हूगु होटेल जूगु हुनिं बिस्कं बिस्कं चःबि दयके हे मलागु जुल । चकंगु छगु कोथा छगु जक लुखा चःबि धाःसा स्वंगु ।
 मिसा त स्वय् मिसातनिं वने हथाय् ! मिजं त स्वये मिजं तय्नि वने हथाय् !
 छम्ह बुज्रुकम्ह मानवशाश्त्री प्रोफेसर दाहि« ग्वांय् सं फुक्कं हे तुइस्से च्वं म्ह न्हय्न्यादँ ति दये धुंम्ह जुइका व म्हिगया सहलह ज्याझ्वः लय् अतिकं हे भाबुक जुया वं धागु जुया च्वन । ‘खः फुक्कं हे थासय् समानता जुइमाः जिं नं थुकिं लीमचिला । अयनं गुगुं गुगूं थासय् जुइ फइ मखु । थ्व ई थाय् स्वया नं पाय्फु थुकिं झीसं भतिचा वा चाय्केमा ।’ थुलि जक वं छु न्ववात छम्ह मिसा अधिकारबादी नेतृं तस्सकं हे छवम्हुक हकुगु जुयाच्वन । अलें व भाजु सुम्क छयं क्वछुकुगु जुया च्वन ।
    संयोगया खं न्हापं हे चःबि वनेत पिने दंवःपिं इपिं भाजु व मय्जु हे लाना च्वन । अलें भाजुं धाल अन दुने स्वंगु चकंगु चःबि दु छि दुने झासं उप्पो सिट छिकपिंत हे जुल छगू सिट जक जिपिं मिजंतय्त जुल नु झासं नं नु पाः लाक्क छम्ह जि हे वये ।
 प्वाक्क हे मिसा नेतृया म्हुतुं पिज्वल — हां छु धै दिया ?