nepal life

सन् २०५० तक सूर्द्यः अप्रत्याशित रुपं ख्वाउँया वनीगु

नेवा: अनलाइन न्युज | २०७४ माघ २९, सोमबार १५:३३:२९

आः नकतिनि अमेरिकाया वासिङ्टनय् याःगु छगू न्हूगु अध्ययनपाखें पिथंगु प्रतिवेदनया कथं सन् २०५० तकया दुन सूर्द्यःया तापक्रम अप्रत्याशित रुपं म्हो जुयावनीगु क्यंगु दु ।

क्यालिफोर्निया विश्वविद्यालयया वैज्ञानिकपिन्सं सौर्य चक्रया बारे अध्ययन याःबलय् थुज्वःगु तथ्य लूगु पिथंगु प्रतिवेदनय् धयातःगु दु ।

इमिसं उगु ई तकया दुने सू्र्द्यःया तापक्रम ७ प्रतिशततक म्हो जुइफूगु विश्वास प्वंकूगु दु । सूर्द्यःया तापक्रम म्हो जुइधुंकाः पृथ्वीइ वइगु तापक्रम नं म्हो जुइगु जूगु दु ।

तर चिकुइगु व ख्वाउँइगु क्रम संसार न्यंकं छगू हे कथंया धाःसा मजुइगु अध्ययनं क्यंगु दु । विश्व तापक्रमय् थुज्वःगु घटनाक्रम जुयातुं च्वनीगु इमिगु धापू खः ।

वैज्ञानिकतसें लुइकूगु थुगु तथ्य सिकागोया छगू जर्नलय् पिथंगु खः ।

Categorized in अन्तर्राष्ट्रिय