nepal life

संरक्षणया आसय् येँया डिल्लीबजारया ल्वहँहिति (भिडियो स्वयादिसँ)

नेवा: अनलाइन न्युज | २०७४ माघ २४, बुधबार १७:४३:५५

हितिया महत्व गुलि दु धैगु लःया महत्व थूपिन्सं जक स्यू । थौं वयाः झीगु स्वनिगःया ल्वहँहितिया अवस्था गथे दु धकाः सीकेगु खःसा गनं वनेम्वाः, येँया डिल्लीबजारय् जक स्वः वंसा गाः ।

येँया असनं पन्ध्र मिनेट न्यासि वनाः थ्यंगु थाय् खः येँया डिल्लीबजार । अन बि.सं. २०६९–२०७० सालपाखे सरकारं याःगु सतक विस्तारं अन च्वंपिं बासिन्दातय्त थुकथं विस्थापित यातकि थौं वयाः न म्वायेगु न च्वनेगु स्थितिइ थ्यंकाब्यूगु दु ।

झीगु स्वनिगःया म्हसीका आः वया छकुचा कुनय् जक सिमित जूगु दु । न झीसं थुइके फु न झीसं सिइके फु, थुज्वःगु कथं खिउँगु ध्याकुंचाय् दुने लाःगु छगू सम्पदा खः येँया डिल्लीबजारया ल्वहँहिति । गुकिया अवस्था आः वया न नां दु, न मेगु छुं हे म्हसीका ।

छु थथे यानाः स्वनिगःया इतिहास म्वाइला ? प्राचीन नेपालमण्डलया सभ्यतायात थुइकेगु छगू आधार कथं म्हसीका दूगु उगु ल्वहँहिति आःवया हाकनं सरकारपाखें जुइगु सतक विस्तारं ल्वहँहितिया अवस्था झन लिउने लाइगु खनेदु ।

थुगु विषयस झीसं गबले च्यूताः तयेगु ?

(थन क्लीक यानाः भिडियो स्वयादिसँ)

–इन्द्रमान महर्जन, मैतीदेवी

Categorized in स्थानिय-समाज