nepal life

शताब्दी पुरुष सत्यमोहन जोशीं आशाकाजी महर्जनया ‘कविता सँगालो’ सफू सार्वजनिक याइगु

नेवा: अनलाइन न्युज – ललेन्द्र शाक्य | २०७४ माघ २४, बुधबार १४:४३:५४

त्रि–चन्द्र कलेजया उप–प्राध्यापक लिसें ठमेल जागरण परिवारया नायः आशाकाजी महर्जनं थः ६३ दँय् च्वनीगु लसताय् थःम्हं हे च्वयादीगु सफू ‘कविताको सँगालो’ पिदनीगु ज्याझ्वःया ग्वयादीगु दु ।

ने.सं. ११३८ सिल्लागा नवमि (माघ २६ गते) शुक्रवाः येँया जमलय् च्वंगु राष्ट्रिय नाचघरया मिनी हलय् न्हिनसिया १ ता इलय् उगु ज्याझ्वः जुइगु जानकारी भाजु आशाकाजी महर्जनं बियादीगु दु ।

ठमेल जागरण परिवारया ग्वसालय् जुइगु उगु ज्याझ्वलय् पिदनीगु ‘कविताको सँगालो’ सफूया च्वमि महर्जनं कविता वाचन ज्याझ्वः नं दूगु जानकारी बियादीगु दु ।

उगु सफू शताब्दी पुरुष संस्कृतिविद् डा. सत्यमोहन जोशीया ल्हाःत चिखिफ्यने ज्याझ्वः जुइगु जानकारी बियादिसें च्वमि महर्जनं उगु ज्याझ्वलय् सकल साहित्य मतिनामिपिन्त उपस्थितिया नितिं इनाप यानादीगु दु ।

थःगु जीवनय् मुंकादीगु अनुभवत उजागर यानाः थुकिं हे साहित्यकारपिन्त उत्साह ब्वलंकेगु आज्जुं थःम्ह उगु कविताया सँगालो सफू तयार यानागु उपप्राध्यापक आशाकाजी महर्जनं धयादीगु दु ।

उगु ज्याझ्वलय् साहित्य व कलाप्रति नुगः क्वसापिं उत्कृष्ट व्यक्तित्वपिन्त पुरस्कृत यायेगु ज्याझ्वः नं तयातःगु दु ।

Categorized in कला