nepal life

शताब्दी पुरुष जोशीया ल्हाःतं ‘कविता सँगालो’ सफू सार्वजनिक (किपाः स्वयादिसँ)

नेवा: अनलाइन न्युज | २०७४ माघ २६, शुक्रबार १४:३०:३४

त्रि–चन्द्र कलेजया उप–प्राध्यापक लिसें ठमेल जागरण परिवारया नायः आशाकाजी महर्जनं थः ६३ दँय् च्वनीगु लसताय् थःम्हं हे च्वयादीगु सफू ‘कविताको सँगालो’ छगू ज्याझ्वःया दथुइ सार्वजनिक यानादीगु दु ।

ने.सं. ११३८ सिल्लागा नवमि (माघ २६ गते) शुक्रवाः येँया जमलय् च्वंगु राष्ट्रिय नाचघरया मिनी हलय् न्हिनसिया १ ता इलय् न्ह्याःगु उगु ज्याझ्वः ठमेल जागरण परिवारया ग्वसालय् जूगु खः । उगु ज्याझ्वलय् ‘कविताको सँगालो’ सफूया च्वमि महर्जनं कविता वाचन नं यानादीगु खः ।

‘कविताको सँगालो’ सफू शताब्दी पुरुष संस्कृतिविद् डा. सत्यमोहन जोशीया ल्हाःत चिखिफ्यने ज्याझ्वः जूगु खः । ज्याझ्वलय् आपालं साहित्य मतिनामिपिनिगु उपस्थिति दूगु खः ।

च्वमि भाजु महर्जनं थःगु जीवनय् मुंकादीगु अनुभव उजागर यानाः थुकिं हे साहित्यकारपिन्त उत्साह ब्वलंकेगु आज्जुं थःम्ह उगु कविताया सँगालो सफू तयार यानागु खँ ज्याझ्वलय् कनादीगु खः ।

उगु ज्याझ्वलय् साहित्य व कलाप्रति नुगः क्वसापिं उत्कृष्ट व्यक्तित्वपिन्त पुरस्कृत यायेगु ज्याझ्वः नं जूगु खः ।

किपाः इन्द्रमान महर्जन, मैतिदेवी

 

Categorized in कला