nepal investment baink

वैदेशिक रोजगार विभागया कर्मचारीविरुद्ध घूस काःगु द्वपनय् मुद्दा दायर

नेवा: अनलाइन न्युज | २०७४ मङ्सिर ३, आइतबार १६:३३:४०

१० लख तका दां घूस काण्डय् वैदेशिक रोजगार विभागया महानिर्देशक लिसें स्वम्ह कर्मचारीपिं गिरफ्तार जूगु छवाः हे ई मफुनीवं हे विभागया हे मेम्ह छम्ह कर्मचारीविरुद्ध अदालतय् मुद्दा दायर जूगु दु ।

अख्तियार दुरुपयोग अनुसन्धान आयोगं विभागया तहाचलय् च्वंगु श्रम ज्याकुथिइ ज्या यानाच्वंम्ह कम्प्युटर अपरेटर भाग्यनारायण झा बिरुद्ध विशेष अदालतय् मुद्दा दायर याःगु खः ।

झा नं वैदेशिक रोजगारीया नितिं श्रम स्वीकृति काइपिं सेवाग्राहीलिसे थीथी त्वहः तयाः विचौलिया ब्वलंकाः घूस काःगु लुयावःगु अख्तियारं जानकारी ब्यूगु दु ।

थुज्वःगु गतिविधिपाखें झा नं थीथी व्यक्तिपाखें २८,५,०० घूस काःगु अख्तियारं दाबी याःगु दु ।

Categorized in दुर्घटना-अपराध