nepal life

वाईसिएल नायः दीपशिखा व मूछ्याञ्जे सुवोध जुल

नेवा: अनलाइन न्युज | २०७४ भाद्र ५, सोमबार १३:५६:५१

माओवादी केन्द्र लिक्क लाःगु वाईसिएलया नायः पदय् रामप्रसाद सापकोटा दिपशिखा सर्वसम्मतं ल्यःगु दुसा मूछ्याञ्जे पदय् सुवोधराज शेर्पाली ल्यःगु दु ।

शुक्रवाःनिसें येँया कोटेश्वरय् न्ह्याःगु एकताया निक्वःगु राष्ट्रिय सम्मेलनं आइतवाः दीपशिखाया नेतृत्वय् १५१ म्ह दुजःया केन्द्रीय समिति ल्यःगु नेता मणि थापां जानकारी बियादीगु दु ।

दीपशिखा थ्वसिबें न्ह्यः वाईसिएलया मूछ्याञ्जे खः । वाईसिएल नायः पदय् उपाध्यक्ष लक्ष्मी चौलागाईं शैलेन्द्र नं दावेदार जुयादीगु खः ।

वाईसिएलया न्हूगु ज्यासना पुचलय् १९ म्ह दुजः दुथ्याःगु दु । न्वकू गंगा कार्की, लालेन्द्र मण्डल, सुमन देवकोटा, बिरु तामाङ, यशोदा न्यौपाने व रतन सिं ल्यःगु दु ।

अथेहे छ्याञ्जेय् मञ्जु बम, ज्ञानेन्द्रबहादुर गुरुङ, पूर्ण भूजेल, गणेश शाही, मदनबहादुर मल्ल, विश्वबहादर महत, रञ्जित अधिकारी, दिवस पाण्डे, शिवराम कुसवाहा व सुमित ढुंगाना ल्यःगु दुा दांभरिइ मिङमा तुण्डु शेर्पा ल्यःगु दु ।

बन्दसत्रया हलपाखें दीपशिखाया नेतृत्वय् १५१ म्ह दुजःया केन्द्रीय समिति व १९ म्ह दुजःया पदाधिकारीपिं सार्वजनिक यासें सम्मेलन समापन जूगु घोषणा याःगु खः । तर केन्द्रीय समितिइ थःपिं मलाःगु धासें सुं सुं असन्तुष्ट कार्यकर्तापिन्सं विरोध याःगु खः ।

Categorized in राजनीति