nepal life

वर्षमान पुनया गाडीयात लक्षित यानाः बम विस्फोट

नेवा: अनलाइन न्युज | २०७४ कार्तिक २५, शनिबार १७:१२:२२

रोल्पाया माडी गाउँपालिका–१ ओतया जंगलय् माओवादी नेता व पूर्व अर्थमन्त्री वर्षमान पुन च्वनावःगु गाडीयात लक्षित यानाः थौं शनिवाः न्हिनय् माइन बम विस्फोट याःगु दु ।
जिल्लाया सुकिदह गाउँपालिकाय् चुनावी ज्याझ्वः क्वचायेकाः घर्ती गां लिहाँ वयेगु झ्वलय् वर्षमान पुन च्वनावःगु गाडी माडी गाउँपालिका–१ भित्तावाड लिक्क थ्यंबलय् पेदीखुसिइ बम विस्फोट जूगु जिल्ला प्रहरी ज्याकुथि व रोल्पाया प्रहरी निरीक्षक सुदर्शन पन्थीं जानकारी बियादीगु दु ।
भौतिक व मानवीय क्षति धाःसा मजूगु धाःगु दु । बम सुनां मुइकूगु खः धैगु सीमदुनिगु प्रहरीं जानकारी ब्यूगु दु । रोल्पाया जिनावाडपाखें घर्ती गामय् जुइगु ज्याझ्वलय् सहभागी जुइत वनाच्वंगु इलय् पुनयात लक्षित यानाः बम विस्फोट याःगु खः ।
लुमंकेबहःजू, शुक्रवाः रोल्पाय् जनार्दन शर्मा व वया चुनावी पुचःयात लक्षित यानाः निगः सुतली बम विस्फोट जूगु खः ।








Categorized in स्थानिय-समाज