nepal life

ललिता धाख्वाः व माधवलाल प्रधानयात पञ्चवीर सिंह सिरपाः

नेवा: अनलाइन न्युज – ललेन्द्र शाक्य | २०७४ मङ्सिर २०, बुधबार १६:०४:१६

बुद्ध सम्बत् २५६० या नितिं ललिता धाख्वाः व माधवलाल प्रधानयात पञ्चवीर सिंह सिरपाः लःल्हाइगु जूगु दु ।

नेपालभाषा टाइम्सय् दच्छिया दुने पिदंगु उत्कृष्ट बौद्ध च्वसूया नितिं छम्ह मिजं व छम्ह मिसा च्वमियात युवा बौद्ध समूह, येँपाखें उगु सिरपाः लःल्हानाः वयाच्वंगु खः ।

अनगारिका वीर्यवती, डा. केशवमान शाक्य व सह–प्राध्यापक मदनरत्न मानन्धर दुथ्याःगु निर्णायक पुचलं च्वमि ललिता धाख्वाया ‘प्रभावशाली नेता थौंया आवश्यकता’ व माधवलाल प्रधानयात ‘आनापान ध्यान’ विषयया च्वसूयात उत्कृष्ट च्वसूया रुपं ल्यःगु खः ।

लेखनया माध्यमपाखें नेपालभाषा व साहित्यया श्रीबृद्धि व बुद्धधर्मया प्रबर्द्धनय् ज्वःमदुगु योगदान बियादीपिं च्वमिपिन्त सिरपाः देछायेत पञ्चवीर सिंह तुलाधरं थुगु सिरपाःया पलिस्था यानादीगु खः ।

सिरपाःया राशि झिंछद्वः व सच्छि व झिंछतका दां तयातःगु दु ।

Categorized in नेवाः