nepal life

रोहित पौडेल राष्ट्रिय पुचलय्

नेवा: अनलाइन न्युज – नेवा: | २०७४ पौष २०, बिहिबार १७:५९:०६

निनिसें डिभिजन ‘टु’या तयारीया नितिं नेपाली राष्ट्रिय क्रिकेट पुचः २१ म्हेसित बन्द प्रशिक्षणय् सतातःगु दु ।

विष्फोटक व फिनिसर ब्याटम्यान युवा कासामि रोहितकुमार पौडेलयात न्हापांगुखुसि राष्ट्रिय पुचःया बन्द प्रशिक्षया नितिं सतातःगु खः ।

अन्डर १९ कासामि रोहितं न्हापा सुथांलाक्क म्हितादीगु लिधसाय् नेपाली पुचलय् म्हितेत ताःलाःगु खः । इपिएलय् सुथांलाक्क म्हितादीम्ह सुनिल धमलायात नं पुचलय् दुथ्याकूगु दु ।

रोहितं अन्डर १९ स सुथांलाक्क म्हितादीगु हुनिं लिसें नकतिनि जक एभरेष्ट प्रिमियर लिगय् भैरहवा ग्लायडियटर्सपाखें म्हितादीम्ह रोहितं विष्फोटक व फिनिसर पारी म्हितूगु खः ।

नेपाली राष्ट्रिय पुचः व नेपालय् जुइगु धेँधेँबल्लाः कासाय् ताःइलंनिसें सुथां मलाःम्ह विष्फोटक ब्याट्सम्यान बिनोद भण्डारीया थाय् कायेत नेपाली पुचलय् फिनिसरया रुपय् म्हितेपैmगु धकाः पुचलय् थाय् ब्यूगु खः ।

बिनोद भण्डारी, सागर पुन व राजेश पुलामि मगरं नं २१ म्हेसिगु पुचलय् दुथ्यायेत ताःमलात । अनिल कुमार शाहं बांलाःम्ह ब्याट्सम्यान व पार्टटाईम अफ स्पिन बलिङ यायेफुम्ह खः । वय्कलंं विकेट किपरया रुपय् नं म्हितादीफु । अथेहे स्यलाःम्ह फिल्डर नं खः । नकतिनि जक क्वचाःगु ईपिएलय् पोखरा राईनोजया नितिं ओपनिङ यासें बांलाक्क ब्याटिङ यानादीम्ह नं खः ।

लिपांगु इलय् बांमलाक्क म्हितादीम्ह विनोद भण्डारी, सागर, राजेश २१ दुजःया राष्टिय पुचलय् दुमथ्यात । बांमलाक्क म्हितादीगुलि व नेपाली क्रिकेट समर्थकं मगाःमचाःः प्वंका वयाच्वंगु दु ।

डिभिजन टु स नेपाःलिसें ग्वसाः खलः नामेबिया, केन्या, युएई घटुवा जुलसा ओमान व क्यानडा डिभिजन थ्री निसें टु स बढुवा जुल ।

फेब्रअरीया निक्वःगु वालंनिसें न्ह्याइगु डिभिजन २ स न्हापांगु व लिपांगु पुचलं मार्चय् जुइगु विश्वकप ल्यज्याय् थाय् काइगु जूगु दु ।

नेपाली पुचलं शुक्रवाःनिसें २१ म्ह कासामिपिन्त बन्द प्रशिक्षण नं याइगु जूगु दु । बन्द प्रशिक्षणय् म्हितीपिं २१ म्ह राष्ट्रिय क्रिकेटर पारस खड्काया कप्तानीइ राष्ट्रिय् पुचलय् ज्ञानेन्द्र मल्ल, शरद भेषावकर, शक्ति गौचन, बसन्त रेग्मी, करढा केसी, सोमपाल कामी व सन्दिप लामिछाने दुथ्याःगु दुसा आरिफ शेख, दिपेन्द्र सिंह ऐरी, दिलिपनाथ, दिपेश श्रेष्ठ, किशोर महतो, ललित भण्डारी, ललित राजवंशी, रसिद खान, सिद्धान्त लोहनी, सुनिल धमला व शुशन भारी नं दुथ्याःगु दु ।

–भुपेन्द्र जि.सी

Categorized in कासा