nepal life

रिक्त कर्मचारी दरबन्दीया विज्ञापन चायेकेगु प्रक्रिया न्ह्यात

नेवा: अनलाइन न्युज | २०७४ आश्विन २५, बुधबार १६:०३:४९

लोकसेवा आयोगं रिक्त कर्मचारी पदपूर्तिया नितिं दर्खास्त आह्वान न्ह्याकूगु दु ।

‘कर्मचारी समायोजन ऐन’ संसदं पारित जुइधुंकाः आयोगं सरकारयात माःपिं कर्मचारी पदपूर्ति बुधवाःनिसें न्ह्याकूगु आयोगया सुचं अधिकारी देवीप्रसाद सुवेदीं जानकारी बियादीगु दु ।

आयोगं न्हापांगु चरण सहसचिव व उपसचिवया नितिं दर्खास्त आह्वान याःगु खः । वय्कःया कथं आयों १९९ म्ह सहसचिव व ५५६ म्ह उपसचिवया नितिं दर्खास्त आह्वान याःगु खः ।

उपसचिव तकं जुयादीम्ह सुवेदीं सहसचिवय् रिक्त जूगु पदमध्ये ८३ खुल्ला व ११६ बढुवापाखें वव उपसचिवय् रिक्त जूगु पदमध्ये ३५९ खुल्ला व १९७ बढुवापाखें पदपूर्तिया नितिं दर्खास्त आह्वान याःगु धयादीगु दु ।

दकले अप्वः आयोगं प्रशासनपाखे दर्खास्त आह्वान याःगु दु, गुकी ५९ गू पद सहसचिवय् व ८९ गू पद उपसचिवय् लाःगु दु ।

दर्खास्त आह्वान याःगु विज्ञापनय् वइगु मंसीर मसान्तय् परीक्षा जुइगु जूगु दु । मंसीरया निगूगु वा परीक्षा जुइगु धाःसां नं निर्वाचनया हुनिं मंसीर मसान्तय् थ्यंगु उपसचिव सुवेदीं धयादीगु दु ।

अथेहे अधिकृत तहया नितिं नं वइगु कार्तिक बाय् मंसीर मसान्तय् विज्ञापन यायेगु तयारी जुयाच्वंगु वय्कलं धयादीगु दु । आः आयोगं सामान्य प्रशासन मन्त्रालययात रिक्त दरबन्दीया ल्याः उपलब्ध याकेत निर्देशन ब्यूगु दु ।

Categorized in लजगाः