nepal life

राष्ट्रिय फुटबल टिमया उपकप्तान लामाया शल्यक्रिया ताःलात

नेवा: अनलाइन न्युज | २०७४ माघ २८, आइतबार १८:०६:३७

नेपाली राष्ट्रिय फुटबल टिमया उपकप्तान व थ्री स्टार क्लबया कप्तान विक्रम लामाया आइतवाः ग्राण्डी अन्तर्राष्ट्रिय अस्पतालय् सुथांलाक्क शल्यक्रिया याःगु दु ।

जव तुतिइ घाःपाः जूम्ह लामाया बरिष्ठ अर्थोपेडिक सर्जन व ग्राण्डी अन्तर्राष्ट्रिय अस्पतालया मेडिकल डाइरेक्टर डा. चक्रराज पाण्डेया पुचलं ताःलाक्क शल्यक्रिया याःगु खः ।

लामाया आइतवाःनिसें हे फिजियोथेरापी सुरु याःगु खःसा वय्कःया उपचार लिपा ६ निसें ८ महिनाय् कासा मैदानय् लिहाँ वयेफइगु डा. पाण्डें धयादीगु खः ।

धरानय् जुयाच्वंगु बुढासुब्बा गोल्डकपया फाइनल कासाया झ्वलय् नेपाल पुलिस क्लबबिरुद्धया कासाय् घाःपाः जुइधुंकाः लामायात तत्काल उगु ग्राण्डी अस्पतालय् यंकूगु खः ।

Categorized in कासा