nepal life

राष्ट्रपतियात निर्वाचन आयोगं बुधवाः निर्वाचन लिच्वः लःल्हाइगु

नेवा: अनलाइन न्युज | २०७४ फाल्गुण २, बुधबार १८:५८:२०

निर्वाचन आयोगं प्रतिनिधिसभा निर्वाचनया समानुपातिक लिच्वः बुधवाः हे राष्ट्रपतियात लःल्हायेगु तयारी याःगु दु ।

थ्वसिबें न्ह्यः न्यागू दलं काःगु सिटय् विजयी जूपिं समानुपातिक सांसदपिनिगु नां घोषणा यायेत्यंगु दु ।

समानुपातिकय् एमालें ४१, कांग्रेसं ४०, माओवादीं १७, राजपा व फोरमं ६–६ सिट काःगु दु । दलतसें लःल्हाःगु नामय् कांग्रेस, माओवादी व राजपाया मिले मजुइधुंकाः आयोगं सचेयायेत बुधवाः ५ ता ईतकया म्याद ब्यूगु खः ।

दलतसें नां धलः सचेयानाः नां छ्वया हयेधुंकाः आयोगं प्रतिवेदनयात लिपांगु रुप बिइगु तयारीइ पलाः न्ह्याकूगु खः । आयोग प्रवक्ता नवराज ढकालया कथं बुधवाः बहनी शीतल निवास वनेगु तयारी याःगु दु ।

Categorized in राजनीति