nepal life

राजविराजया शम्भुनाथय् मिँ च्यात, २० लखया क्षति

नेवा: अनलाइन न्युज | २०७४ फाल्गुण १, मंगलबार १७:१६:५५

सप्तरीया शम्भुनाथ नगरपालिका वडा ल्याः १२ य् सोमवाः चान्हय् मिँ च्यानाः थ्यंमथ्यं २० लख तका दां बराबरया धनमाल क्षति जूगु दु ।

स्थानीय मोहम्मद जलधर खानया साया गोठय् च्याकूगु घुरपाखें आकाझाकां च्याःगु मिं खानया छखा छेँ व छगू सा गोठ व जलाखला मोहम्मद ममताज खानया छगू सा गोठतकं च्यानाः नष्ट जूगु कल्याणपुर इलाका प्रहरी ज्याकुथिं जानकारी ब्यूगु दु ।

मिँ च्याःगुलि लानाः ५ लख नगदलिसें अन्नपात, थलबल लिसें फुक्क हलंज्वलं च्यानाः नष्ट जूगु खःसा २० लख तका दां बराबरया धनमाल क्षति जूगु जिल्ला प्रहरी ज्याकुथिं जानकारी ब्यूगु दु ।

मिँ स्थानीयबासी, प्रहरी व राजविराजपाखें वंगु वारुण यन्त्रं नियन्त्रणय् काःगु खः । मिँ च्याःगुलि लानाः बागू दर्जनं मल्याक पशु चौपायातकं छ्वयाः सीगु प्रहरीं जानकारी ब्यूगु दु ।

Categorized in दुर्घटना-अपराध