nepal life

यौन स्वापू तयेमखनाः बाबा राम रहिमया उसाँय् स्यन !

नेवा: अनलाइन न्युज | २०७४ भाद्र २७, मंगलबार १०:२६:५३

यौन स्वापू तयेमखनाः बाबा राम रहिमया उसाँय् (स्वास्थ्य) स्यंगु डाक्टरतसें धाःगु दु । बलात्कार मुद्दाय् २० दँ जेल सजायँ फयाच्वंम्ह राम रहिमया विषयस डाक्सरतसें न्हूगु खुलासा याःगु खः । रोहतक जेलय् राम रहिमया उसाँय् जाँचया झ्वलय् डाक्टरया पुचलं बाबा राम रहिम सेक्स एडिक्ट जूगु व गुकिया हुनिं वया स्थिति खराब जुजुं वनाच्वंगु धाःगु दु । डाक्टरया कथं राम रहिम मद्दिक्क अशान्त जुयाच्वंगु दु व वयात न्ह्यः मवः । गुकिया हुनिं वयात वासः यायेमाःगु आवश्यकता जूगु दु ।

राम रहिमयात वासः यानाच्वंम्ह छम्ह डाक्टरं धाःगु दु, “राम रहिम सेक्सया आदी खः । डेरा आश्रमपाखें जेल वनेधुंकाः वं शारिरीक सुख कायेखनाच्वंगु मदु । थ्वहे हुनिं व अस्थिर जुयाच्वंगु दु । वया तनाबया स्तर मद्दिक्क अप्वयाः वनाच्वंगु दु । यदि इलय् हे वासः मयाःसा थुकिं तःधंगु समस्या ब्वलनेफु । वयात याकनं वासः यायेमाःगु आवश्यकता दु ।”

डेराया छम्ह पूर्व कर्मचारीं राम रहिमं सेक्स टोनिक नइगु दाबी याःगु दु । थुकिया नितिं अष्ट्रेलिया व मेमेगु मुलुकं शक्तिबर्द्धक पेय पदार्थ मगेयाइगु खः । थुलि जक मखु, गुलिस्यां ला राम रहिम लागुपदार्थया सेवन तकं याइगु दाबी याःगु दु ।

Image result for baba ram rahim daughter

लुमंकेबहःजू, राम रहिम व हनिप्रितदथुया अवैध स्वापूबारे नं थीथी दाबी सार्वजनिक जूगु दु । राम रहिम व हनिप्रितयात न्ह्याबलें नापं खनेदइगु खः । थनतक कि जेल वनेधुंकाः नं वं जेल प्रशासनयाके हनिप्रितयात मसाजया नितिं थःनां तयेत तकं अनुमति फ्वंगु खः तर वया माग अस्वीकार याःगु खः ।

(थौं ने.सं. ११३७ भाद्र २७ गते नेपाल समाचारपत्र न्हिपती पिदंगु बुखँ)

Categorized in पत्रपत्रिका