nepal life

येँया दुनेया शहरय् प्यचाः पाग्रया सवारी साधन वान –वे

नेवा: अनलाइन न्युज | २०७४ पौष २६, बुधबार १८:३२:०३

 येँया दुनेया शहरय् प्यचाः पाग्रया सवारी साधन वान –वे
माघ २ गते निसें येँया दुनेया शहरय् प्यचाः पाग्रया सवारी साधन वान –वे याइगु जुगु दुसा अथे हे गनं गनं प्रवेश निषेध याइगु जुगु दु । थौं दुनेया शहरया थीथी वडा अध्यक्षतयसं थुकिया जानकारी बिइगु नितिं पत्रकार सम्मेलन याःगु दु । पत्रकार सम्मेलनय् २७ वडाया अध्यक्ष नीलकाजी शाक्यं दुनेया शहर अस्तब्यस्त जुयाच्वंगुलिं आःया नितिं प्रयोग कथं  प्यचाः पाग्रया सवारी साधन दुनेया शहरय् वान –वे कथं दुकायेगु व मोटर साइकल धाःसा टु –वये कथं जुइगु जुइगु तर छु छु थासय् धाःसा वान –वे कथं  यायेगु जानकारी बियादिगु खः ।
येँया वसन्तपुर, ठैंटी, असं, भोटाहिती, वघः, जनवाहा, भ्याछा द्यः, न्यत, यतखा, टेंगं, थायमदु, नघः, थहिति, त्यःर, ताम्सीपाखा, किलाधः, लिसें दुनेया शहरय् सवारी साधन प्रवेश याये मदइगु उपमेयर खड्गी जानकारी बियादिगु खः ।
पर्यटक व स्थानीयया सहज आवागमनया नितिं थ्व् नियम उलङ्घन यायेत १ हजार तक जरिवाना यायेगु महानगरीय ट्राफिक प्रहरी महाशाखाया ट्राफिक प्रहरी निरीक्षक विदुरकुमार थापां जानकारी ब्यूगु दु ।
सुथय् ७ बजे निसें बहनि ७ बजे तक थथे वान–व् यानाःगु निरीक्षक थापां जानकारी बियादिगु खः ।

Categorized in स्थानिय-समाज