nepal life

येँया चपलीइ बम मुल, गगन थापा घाःपाः

नेवा: अनलाइन न्युज | २०७४ मङ्सिर १८, सोमबार १३:३९:४९

थापाया न्हाय्पनय् व जँय् घाःपाः

येँया चपलीइ बम विस्फोट जुयाः कांग्रेस उम्मेदवार गगन थापा घाःपाः जूगु दु । विस्फोटय् मेपिं सुं सुं मनूत घाःपाः जूगु दु ।

येँया ४ नम्बरया उम्मेदवार थापा बुढानिलकण्ठ नगरपालिका २ स च्वंगु चपलीइ घरदैलोय् वनाच्वंगु इलय् बम विस्फोट जूगु खः । थापाया न्हाय्पनय् व जँय् घाःपाः जूगु खः ।

विस्फोटय् लानाः मेपिं घाःपाः जूपिंमध्ये सुं सुं मनूया अवस्था तच्वः जूगु दु । थापालिसें फुक्क घाःपाः जूपिनिगु शिक्षण अस्पताल महाराजगञ्जय् वासः यानाच्वंगु दु ।

प्रहरीं धाःसा प्यम्ह न्याम्ह घाःपाः जूगु प्रारम्भिक जानकारी वःगु धाःगु दुसा विस्फोट सुनां यात धैगु खँ सीमदुनि ।

Categorized in दुर्घटना-अपराध