nepal life

यलया औद्योगिक क्षेत्रय् तच्वकं मिँ च्यात

नेवा: अनलाइन न्युज | २०७४ कार्तिक २८, मंगलबार २०:४१:०६

यलया पाटन औद्योगिक क्षेत्रय् तच्वकं मिँ च्याःगु दु ।

मंगलवाः सनिलय् च्याःगु उगु मिँ आःतक नं नियन्त्रणय् कायेत ताःलाःगु मदुनि । प्रहरीया कथं अन च्वंगु प्लाष्टिक उद्योगय् मिँ च्याःगु हुनिं मिँ नियन्त्रणय् कायेत तच्वकं थाकुया च्वंगु जानकारी ब्यूगु दु ।

दमकलत अन थ्यंकाः मिँ नियन्त्रण कायेगु कुतः यानाच्वंगु दु । अथेहे, नेपाली सेना, नेपाल प्रहरी, सशस्त्र प्रहरीलिसें स्थानीय बासीपिं जानाः मिँ नियन्त्रणय् कायेगु कुतः यानाच्वंगु दु ।

छु हुनिं मिँ च्याःगु खः धैगु खँ सीमदुनि । अथेहे, उगु मिँपाखें गुलि क्षति जुल धैगु जानकारी वःगु मदुनि ।

प्रत्यक्षदर्शीपिनिगु जानकारी कथं उगु प्लाष्टिक उद्योगय् मिँ च्यानाः नियन्त्रणय् कायेमफूगुलिं अनया मेमेगु छेँ व उद्योगया प्यखा न्याखा टहरा व छेँ नं मिइँ थीधुंकूगु दु ।

Categorized in दुर्घटना-अपराध