nepal life

यःमरि पुन्हिया लसताय् साईकल ¥याली जुइगु

नेवा: अनलाइन न्युज | २०७४ कार्तिक २०, सोमबार १३:५७:४२

“साइकल गयेनु, स्वस्थ जुइनु” धयागु नारा ज्वना थ्वहे वइगु यःमरि पुन्हि (ज्यापू दिवस) या लसताय् मंसिर २ गते सनिवाः साइकल ¥याली जुइत्यंगु दु ।

१४ क्वःगु राष्ट्रिय ज्यापु दिवस समारोह २०७४ या लसताय् ज्यापु संस्कृति विकास कोष नःबहा, ब्रम्हत्वाः येँ व कुशेश्वर क्षेत्र संम्पदा संरक्षण प्रतिष्ठान, दगु नृत्यः संगीत पाठशालाया मंकाः ग्वसालय् उगु साइकल ¥याली जुइत्यंगु खः ।

साइकल ¥याली कुशेश्वर महाद्यः न्ह्यःने मुनाः न्ह्याइगु जूगु दुसा उगु ¥याली बसन्तपुर मरुसतः, भिन्द्यः पाःचा जुयाः ताहाचल, मकाउलु पेट्रोल पम्प नैकाप, बलुम्ब, दहचोक, थक्वाः, किपुल्चा, ल्होखा, संतुगः, बोसिगां, मच्छेगां, तापाख्यः विष्णुदेवी, किपू, नंगा, पांगा थीथी थासय् चाःहीलीगु जूगु दु ।

साइकल ¥यालीया संयोजन वर्ल्ड साइकल टुर क्यापियन नेपालं याइगु जूगु दु । साइकल ¥यालीइ ब्वति कयादीपिन्त किपूया सःसः रेष्टुरेन्ट, लहना, पांगाया मां पुचः, पांगा पुचः, विचाः गुिथ, न्हूगु मां पुचःपाखें लसकुस याइगु व्यवस्था यानातःगु दुसा उगु साइकल ¥याली ज्याझ्वलय् थीथी बाजं खलः, व्यक्तिपिन्सं ब्वति काइगु जानकारी ग्वसाः खलकं ब्यूगु दु ।

उगु साइकल ¥यालीइ थ्यंमथ्यं स्वसःम्हेसिन ब्वति काइगु ग्वसाः खलःया दुजः कवि महर्जनं जानकारी बियादीगु दु ।

अथेहे उगु ज्याझ्वः दकले न्हापां झिंछक्वःगु ज्यापु दिवसया इलंनिसें न्ह्याकाः वयाच्वंगु खः । येँय् साइकल गयेसयेमाः, साइकलं न्ह्यथाय् हे थ्यंके पैmइगु, प्रदुषणमुक्त शहर दयेकेत थुज्वःगु ज्याझ्वः इलय् ब्यलय् न्ह्याकाः वयाच्वनागु जानकारी साइक्लिङ्ग क्लब अफ काठमाडौंया नायः मद्युकर महर्जनं बियादीगु दु ।

–रीदेन महर्जन

Categorized in कासा