nepal life

म्येच्वमि देव बज्राचार्य मन्त

नेवा: अनलाइन न्युज – विजयरत्न | २०७४ भाद्र २८, बुधबार १६:११:२४

‘एक्लै बस्दा सँधै मलाई, सम्झना तिम्रो आइदिन्छ, सहन नसकी आँखाबाट आँशु त्यसै झरिदिन्छ...’, ‘प्रिय तिम्रो मुहारमा हाँसो कहिल्यै...’थेंजाःगु आपालं लोकंह्वाःगु म्येया च्वमि देब बज्राचार्य वंगु चान्हय् २ः४५ ता इलय् मन्त ।

बल्खुया वयोधा अस्पतालय् नुगःचुया ल्वय्या वासः याकाच्वंम्ह देब बज्राचार्य नेपाःया संगीत ख्यलय् शम्भुजीत बास्कोटा व मधु क्षेत्रीथें जाःपिं संगीत हस्तीत लिसेलिसें थःगु सांगितिक यात्रा न्ह्याकाः वयादीम्ह खः ।

वय्कःया जन्म बि.सं. २००९ सालया फागुन १४ गते जूगु खःसा वंगु चान्हय् आकाझाकां मदूगु खः ।

मदुम्ह म्येच्वमि देब बज्राचार्यया पार्थिव शरीरयात अन्तिम श्रद्धाञ्जलि देछायेगु नितिं बिहिवाः सुथसिया ९ ता इलय् नेपाल प्रज्ञा प्रतिष्ठानय् तइगु खँ वय्कःया छेँजःपिन्सं जानकारी ब्यूगु दु ।

Categorized in कला