nepal life

मोटरसाइलक ¥याली यानाः सत्यमोहनयात बसन्तपुर हइगु

नेवा: अनलाइन न्युज – ललेन्द्र शाक्य | २०७४ भाद्र २८, बुधबार १२:१३:१६

वाङमय शताब्दीपुरुष सत्यमोहन जोशीयात तःजिक हनेगु दिं ने.सं. ११३७ यँलागा दसमि (भाद्र ३० गते) शुक्रवाः यलंनिसें मोटरसाइकल ¥याली यानाः येँया बसन्तपुरय् हइगु जूगु दु ।

नांजाःम्ह कलाकार व निर्देशक सुरेन्द्र तुलाधरया संयोजनय् शुक्रवाः यलया मंगलबजारय् मुनाः मोटरसाइकल ¥याली यानाः हनेबहःम्ह सत्यमोहन जोशीयात बसन्तपुर हइगु ज्याझ्वः तयातःगु खः ।

नेवाः जागरण मञ्चया संयोजनय् नेवाः न्ह्यलुवाः लक्ष्मीदास मानन्धरया अध्यक्षताय् नीस्वंगु वाङमय शताब्दीपुरुष सत्यमोहन जोशी हना समिमिया ग्वसालय् नागरिक स्तरं तःजिक हनेत्यंगु उगु हना ज्याझ्वः भाद्र ३० गते शुक्रवाः १ ता इलय् बसन्तपुरय् मुनाः येँदेय् परिक्रमा याइगु ज्याझ्वः तयातःगु दु ।

भाजु सत्यमोहन जोशीयात सेनाया बग्गी विराजमान याकाः सेनाया ब्याण्ड बाजा लिसें नेवाः समुदायया ५० गुलिं मल्याक नेवाः परम्परागत बाजागाजाया लिसें नगर परिक्रमा याना येँया राष्ट्रिय सभागृह थ्यंकीगु ज्याझ्वः तयातःगु दुसा न्हिनसिया २ ता इलय् उगु सभागृहय् तःजिक वाङमय शताब्दीपुरुष सत्यमोहन जोशीयात मूपाहाँ कथं झाइम्ह राष्ट्रपति विद्यादेवी भण्डारीया ल्हाःतं सकल नेपाःमिपिनिगु पाखें सम्मान याइगु ज्याझ्वः तयातःगु दु ।

कलाकार निर्देशक सुरेन्द्र तुलाधरं सकल कलाकारपिं लिसें थीथी व्यक्तिपिन्त छथासं तयाः सत्यमोहन जोशीया हना ज्याझ्वःयात तःजिक न्यायेकाः क्वचायेकेगु नितिं उकथं मोटरसाइकल ¥यालीया संयोजन यानादीगु खः ।

Categorized in नेवाः