nepal investment baink

मेलम्चीइ लुयावःगु म्हासुगु धातु परीक्षणया नितिं खानी विभागय्

नेवा: अनलाइन न्युज | २०७३ मङ्सिर १८, शनिबार ११:१६:३२

छुं ईया हल्लालिपा उगु थासय् सेनां थःगु नियन्त्रणय् काःगु खः । आः सेना व प्रहरीं उगु क्षेत्रयात घेराबन्दी यानाः पाः च्वनाच्वंगु दु ।

बहुप्रतिक्षित मेलम्ची खानेपानी आयोजनाया मू सुरुङमार्ग दूगु अम्बथानय् ड्यामया ढिस्को म्हुइगु झ्वलय् लुयावःगु म्हासुगु पदार्थयात परीक्षणया नितिं येँय् हःगु दु ।

प्रारम्भिक परीक्षणपाखें लुयावःगु धातु परीक्षणया नितिं मेलम्ची खानेपानी आयोजनाया कर्मचारीं येँय् छ्वयाहःगु सुरक्षा निकायं जानकारी ब्यूगु दु ।

नेपाली सेना मेलम्चीया प्रमुख सेनानी विक्रम राणां ड्याम मर्मत यायेत ढिस्को म्हुइगु झ्वलय् ‘लुँ’थें जाःगु धातु लुयावःगु व परीक्षणया नितिं थौं शनिवाः खानी तथा भूगर्भ विभागय् छ्वयागु जानकारी बियादिल ।

लुँथें जाःगु अजूचायापूगु धातु लुइधुंकाः ड्याम निर्माणया नितिं ढिस्को म्हुइगु ज्या दिकूगु दु । लुयावःगु धातुया नमुना मुंकाः स्थानीय प्रहरी, सेनाया उपस्थितिइ थाय्या मुचुल्कालिसें येँय् च्वंगु खानी तथा भूगर्भ विभागय् प्राविधिक जाँच यायेत छ्वयाहःगु खः ।

ड्याम मर्मत केन्द्रय् लुँथें खनेदूगु धातु लुइधुंकाः ज्या जुयाच्वंगु थासय् ज्या दिकाः स्वयेगु नितिं भीड हे जूगु खः ।

हेलम्बु गाविसया छ्याञ्जे नारायण पौडेलं ज्या यानाच्वंगु थासय् लुँथें च्वंगु धातु लुयावःगु प्रमुख जिल्ला अधिकारी अन्तरबहादुर सिलवालयात जानकारी बियागु पौडेलं धयादी ।

छुं ईया हल्लालिपा उगु थासय् सेनां थःगु नियन्त्रणय् काःगु खः । आः सेना व प्रहरीं उगु क्षेत्रयात घेराबन्दी यानाः पाः च्वनाच्वंगु दु ।

(थ्व नं ब्वनादिसँ)

मेलम्चीइ ‘लुँ’ लुयावःगु आशंका !

Categorized in राष्ट्रिय