nepal life

मिस पिस चितवन २०१७ या ताज सिमरनं पुल

नेवा: अनलाइन न्युज | २०७४ मङ्सिर १८, सोमबार १२:२१:४४

मिस पिस चितवन २०१७ या ताज सिमरन तिवारीं पुइत ताःलाःगु दु । भरतपुर महानगरपालिका छेँ दुम्ह सिमरनयात मिस नर्स चितवन २०१४ या विजेता ममता पाण्डें ताज पुइकूगु खः ।

ताजलिसें सिमरनं मिस ट्यालेन्ट व मिस मल्टिमिडिया अवार्ड नं त्याकेत ताःलाःगु खः । उगु अवार्डलिसें सिमरनं नगद २५ हजार तका नं त्याकूगु दु ।

आइतवाः नवलपरासी गैंडाकोटया नारायणी रिसोर्टय् जूगु उगु कासाय् सिमरनं १२ म्ह प्रतिस्पर्धीपिन्त ल्यूने लाकूगु खः ।

कासाय् फस्ट रनरअप सरिमा विश्वकर्मा व सेकेण्ड रनरअप सन्ध्या सुवेदी जूगु खः । कासाय् कुसुम विश्वकर्मा मिस पर्सनालिटी, सचिता सापकोटा मिस क्याटवाक, लक्ष्मी गैरे मिस बव्ली, अनुशा शर्मा मिस फोटोजेनिक व आयशा भट्टराई मिस स्माइल घोषित जूगु खः ।

सहज मिडिया प्रा.लिं ग्वसाः ग्वःगु कासाया निर्णायकतय्के मिस नर्स चितवन २०१४ या विजेता ममता पाण्डे, नायिका ओसिमा बानु, भरतपुर अस्पतालया मेडिकल सुपरिटेन्डेन्ट डा. रुद्रप्रसाद मरासिनी, समाजसेवी राकेशमान श्रेष्ठ व युवा व्यवसायी शुसान्त सिंह ठकुरी च्वनादीगु खः ।

Categorized in कला