nepal life

मिस टुरिजम–२०१७ या उपाधि आरतीयात

नेवा: अनलाइन न्युज – ललेन्द्र शाक्य | २०७४ कार्तिक २६, आइतबार १४:३८:२१

मिस टुरिजम–२०१७ या उपाधि पोखराया आरती थापां त्याकूगु दु ।

शुक्रवाः जूगु फाइनल कासाय् नेपाल एशोसियसन अफ टुर्स एण्ड ट्राभल एजेन्ट्स (नाट्टा)या नायः मधुसुदन आचार्यं न्यनादीगु आःया १० दँ लिपा नेपाःया पर्यटन उद्योग गुज्वःगु अवस्थाय् थ्यनी धैगु न्ह्यसःया लिसः बियाः आरती थापां मिस टुरिजम–२०१७ या उपाधि त्याकूगु खः ।

थापां मिस पब्लिक च्वईसया उपाधि नं त्याकूगु खः । थापायात मिस टुरिजम–२०१६ ओरुसा थापां ताज पुइकाःदीगु खःसा नेपाल पर्यटन बोर्डया संचालक समिति दुजः राजेन्द्रप्रसाद सापकोटा, अर्थ बाउण्ड एक्सपीडिसन प्रा.लि.या प्रबन्ध निर्देशक राजन सिंखडा व प्वाइन्ट मिडिया प्रा.लि.या प्रबन्ध निर्देशक नविन काफ्लें नगद न्यय्द्वः तकाः लिसेंया सिरपाः लःल्हानादीगु खः ।

अथेहे, मिस पर्सनालिटी व मिस स्माईल लिसें मिस टुरिजम फस्ट रनरअपया उपाधि येँया क्रिष्टिना श्रेष्ठं त्याकादीगु खः । अथेहे, मिस फिगर व मिस फोटोजेनिक लिसें सेकेण्ड रनरअपया उपाधि एन्जि लामां त्याकादीगु खः ।

फस्ट रनरअप व सेकेण्ड रनरअपं छसिंकथं नगद सिरपाः स्वीद्वः व नीद्वः तका त्याकूगु खः । अथेहे, मिस वाक पल्लवी सुवाल, मिस डिसिप्लिन रोमा खड्का, मिस इन्टेलिजेन्ट सुजाता लामा, मिस ट्यालेन्ट रोशनी गौतम व मिस फ्रेण्डसिपया उपाधि युना राई नं त्याकादीगु खः ।

ज्याझ्वलय् न्वःवासें मिस टुरिजम–२०१७ या ग्वसाः खलः संस्था प्वाइन्ट मिडिया प्रा.लि.या प्रबन्ध निर्देशक नविन काफ्लें राष्ट्रिय व अन्तर्राष्ट्रिय स्तरय् नेपाःया पर्यटन प्रवर्द्धन यायेगु आज्जुं मिस टुरिजमया ग्वसाः ग्वयागु खँ धयादीगु खः ।

फाइनलय् निर्णायकया भूमिकाय् नाट्टाया नायः मधुसुदन आचार्य, भिटोफया नायः रामप्रसाद सापकोटा, टानया बरिष्ठ न्वकू खुमबहादुर सुवेदी, टानया पूर्व मूछ्याञ्जे सागर पाण्डे, नेपाल योग एशोसियसनया मूछ्याञ्जे राजन सिंखडा, पूर्व मिस नेपाल सुगारिका केसी, नेपाल पर्वतारोहण संघया मूछ्याञ्जे कुलबहादुर गुरुङ व पर्यटनविद् लेखनाथ भण्डारी च्वनादीगु खः ।

Categorized in कला