nepal life

मिसा दबूया बुन्हिया झ्वलय् मिसा दबूयात हे सिरपा लःल्हात

नेवा: अनलाइन न्युज – विजयरत्न | २०७४ कार्तिक २१, मंगलबार १०:२८:१३

नेवाः देय् दबूया कचाः कथं दछि न्ह्यः थापना जूगु नेवाः मिसा दबूया न्हापांगु बुन्हि ने.सं. ११३८ कछलागा दुतिया÷तृतिया सोमबार तःजिक हंगु दु ।

रक्षामन्त्री भिमसेनदास प्रधान मूपाहाँ कथं झायादीगु उगु ज्याझ्वः मूपाहाँ रक्षामन्त्री प्रधानं त्वाःदेवाय् मत च्याका उलेज्या यानादीगु खः ।

Image may contain: 10 people, people smiling, people standing, suit and outdoor

नेवाः मिसा दबूया नायः मय्जु रश्मिला प्रजापतिया सभानायःसुइ न्ह्याःगु उगु ज्याझ्वलय् नायः मय्जु प्रजापतिं थः मांया नामं नीस्वंगु झिद्वः तकाया ‘रत्नदेवी प्रजापति सिरपा’ नेवाः मिसा दबूयात हे लःल्हागु दु । थ्व सिरपा दंय्दसं नेवाः व मिसा अधिकारया ख्यलय् ज्वःमदूगु योगदान बियाः वयाच्वंम्ह छम्ह मिसायात लःल्हायेगु ताःतुना नीस्वनागु खँ दबूया नायः मय्जु रश्मिला प्रजापतिं कनादिल । थ्व सिरपाः रत्नदेवी प्रजापति साहित्य ट्रष्टया ग्वसालय् दँय्दसं लःल्हाना यंकेगु खँ नं वय्क मय्जु प्रजापतिं न्ह्यथना दिल ।

Image may contain: 2 people, people standing and indoor

अथेहेतुं सोमवाः जूगु नेवाः मिसा दबूया न्हापांगु बुन्हिया झ्वलय् दबूपाखें अर्थशास्त्रय् विद्यावारिधि यानादीम्हया नापनापं राष्ट्रिय योजना आयोगया न्हापांम्ह मिसा दुजः जुयादीत ताःलाम्ह डा. पुष्पा श्रेष्ठ व नेपाःया न्हापांम्ह मिसाम्ह ‘चा’ विशेषज्ञ दिव्यलक्ष्मी बज्राचार्य मय्जुयात नं दोसल्लां न्ययेकाः हनापौ लःल्हानाः हंगु खः ।

Image may contain: 6 people, people smiling, people standing, child and indoor

ज्याझ्वलय् नेवाः देय् दबूया नायः नरेश ताम्रकार, नेवाः मिसा दबूया सल्लाहकार संस्कृतिबिद् प्रा.डा. चुण्डा बज्राचार्य, येँ महानगरपालिकाया उपमेयर हरिप्रभा खड्गी श्रेष्ठ विशेष पाहाँकथं झायादीगु खःसा नेवाः मिसा दबूया न्हापांगु निर्वाचनय् निर्वाचन कमिटीया कजि विराजकाजी राजोपाध्याय व दुजःपिं रमिता बज्राचार्य व अन्जना महर्जनपिं पाहाँ कथं झायादीगु खः ।

Image may contain: 7 people, people smiling, people standing and suit

मिसा दबूया पूर्व क्षेत्र न्वकू बिमला प्रधानं लसकुस यानादीगु उगु ज्याझ्वलय् ग्वसाः खलःया नायः व सभानायः रश्मिला प्रजापतिं नेवाः मिसा दबूयाबारे खँय् जः ह्वःलादिलसा मूपाहाँ रक्षामन्त्री भिमसेन प्रधानं दबूया बुन्हिया लसताय् पिदंगु लुमन्ति पौया चिखिफ्यना सार्वजनिक नं यानादीगु खः ।

Image may contain: 5 people, people smiling, people standing, child, shoes and indoor

 ज्याझ्वलय् डान्स कल्चर व आर्ट सेन्टरपाखें थीथी साँस्कृतिक ब्वज्याः नं जूगु खःसा मिसा दबूयात थीथी कथं ग्वाहालि यानादीपिन्त सुभाय् पौ व लुमन्ति पतिइ थःथःगु च्वसु बियादीपिन्त लुमन्ति पौ व मिसा दबूपाखें पिकाःगु ने.सं. ११३८ या क्यालेण्डर नं लःल्हागु खः ।

Image may contain: one or more people and indoor

Image may contain: 8 people, people smiling, people standing and indoor

Image may contain: 18 people, people smiling, people standing and indoor

Categorized in नेवाः