nepal life

महेशमान व जिः अष्टलक्ष्मी शाक्य (लुमन्ति च्वसू)

नेवा: अनलाइन न्युज | २०७४ पौष ४, मंगलबार १२:२१:५५

वय्कःलिसे झीगु समाज गथे च्वं ? धनी गरिब छाय् जुइ ? समाज छाय् हिलेमाः ? विचाः मिलेजूपिं पासापिं गुकथं दयेकेगु ? छाय् विचाः मिले जूपिं पासापिं दयेकेमाःगु ? आदि विषयस वय्कलं जिमितः कनादिल ।

जिं चिनियाँ भाय् नं सयेकः वना । उखे गुरु महेशमान नाप राजनीतिक सम्पर्क नं अप्वया वन । वय्कःलिसे न्हापांगु नापलायेगु ज्याय् जिमिगु पारिवारिक स्थिति थुइकेगु कुतः वय्कलं यानादिल । इमान्दारपूर्वक थःथःगु खँ तया । जिमिसं वय्कःयात जिपिं छुं यायेगु इच्छा दु, न्हूगु खँ स्यनादिसँ, चीनया खँ कनादिसँ धकाः धया । जिमिगु भावना वय्कलं थुइकाः दिल । अथेहे, वय्कःलिसे झीगु समाज गथे च्वं ? धनी गरिब छाय् जुइ ? समाज छाय् हिलेमाः ? विचाः मिलेजूपिं पासापिं गुकथं दयेकेगु ? छाय् विचाः मिले जूपिं पासापिं दयेकेमाःगु ? आदि विषयस वय्कलं जिमितः कनादिल । लिसें वय्कलं चिनियाँ पुस्तकालयस यक्व सफू दु, कयाः ब्वनादिसँ धकाः धयादिल ।

शत्रुपिं यक्व दु, झीगु खँ सीकेबिइमज्यू, पुलिस प्रशासन झीगु मखु, बचेजुयाः ज्या यायेमाः, यक्व पासापिं दयेकेमाः, थुकी नं थःगु विचाः व भावना मिलेजूपिं पासापिं जक दयेकेमाः धकाः धयादिल ।

वय्कःया छेँ क्षेत्रपाति, जिगु छेँ झ्वःछेँ झिन्यागू मिनेटं थ्यं । वय्कःलिसे नियमित नापलायेगु ज्यां जिमिगु ज्ञान व चेतना अप्वया वन । लिसें वय्कलं झीसं होशियारपूर्वक ज्या यायेमाः । शत्रुपिं यक्व दु, झीगु खँ सीकेबिइमज्यू, पुलिस प्रशासन झीगु मखु, बचेजुयाः ज्या यायेमाः, यक्व पासापिं दयेकेमाः, थुकी नं थःगु विचाः व भावना मिलेजूपिं पासापिं जक दयेकेमाः धकाः धयादिल । लिसें विचाः मिलेजूपिं पासापिं गथेयानाः दयेकेगु ? थ्व खँ जिमिसं मस्यू, वय्कलं हे थ्व खँ स्यनादिल ।

महेशमानं जिमितः साहित्यकार, राजनीतिककःमि श्यामप्रसाद शर्मां च्वयादीगु पासा दयेकेगु काइदा नांया सफू नं बियादिल । अथेहे, लेख रचनात च्वयेगु ज्या नं बियादिल । जिपिं हरेक ज्याय् होशियार जुयाः वना । जिमिगु नियमित नापलायेगु ज्या मेपिन्सं मसीमा धकाः सचेत जुयाः भाषा कक्षाया गुरु व जिमिगु दथुइ राजनीतिक सम्बन्धया खँ ल्हायेमालकि मेगु हे भासं खँ जुइगु गुगु भाषा कक्षाय् च्वंपिं मेपिं गुरु व पासापिन्सं सीमखु ।

वयकलं स्कूलय् वनाः ब्वंकीगु, थःपिन्तः वःगु ध्येबा पार्टीयात लःल्हायेगु धकाः धयादिल । अथेहे, वय्कलं पार्टी बल्लाकेगु खःसा आर्थिक स्थिति नं बल्लाकेमाः । उकिं पार्टीयात आर्थिक सहयोग यायेमाः धकाः धयादिल ।

महेशमानं जिमितः राजनीतिक खँ जक स्यंगु मखुसे थःगु स्वास्थ्य, खानपान आदिया खँय् नं च्यूताः कयादी, तसकं माया यानादी । भाउजु मोहिनी श्रेष्ठं नं जिमितः तसकं माया यानादी । तर भाउजु मोहिनीनाप जिमिसं फुक्क खँ खुल्ला यानाः खँ ल्हायेगु मयाना । जिमिगु स्वापू न्हियांन्हिथं बांलानाः वन । जिमिगु जिम्मेवारी नं अप्वयाः वन ।

वयकलं स्कूलय् वनाः ब्वंकीगु, थःपिन्तः वःगु ध्येबा पार्टीयात लःल्हायेगु धकाः धयादिल । अथेहे, वय्कलं पार्टी बल्लाकेगु खःसा आर्थिक स्थिति नं बल्लाकेमाः । उकिं पार्टीयात आर्थिक सहयोग यायेमाः धकाः धयादिल ।

सुमनया बाः कवि दुर्गालाल श्रेष्ठ खः । वय्कलं नं जिमितः न्ह्यःने वनेत प्रेरणा बियादिल । गुबलें गुबलें वय्कलं थःम्हं च्वःगु कविता जिमितः ब्वनाः न्यंकाः हौसला बियादी । सुमनया मां पूर्णदेवी श्रेष्ठ व किजा केहेँपिन्सं नं उलि हे ग्वाहालि याः ।

वय्कलं जितः बालसेवा स्कूलय् ब्वंकेगु व्यवस्था मिलेयाना दिल । जिं असंया त्यःर स्कूलय् छुं महिनाया नितिं स्वयंसेवकया रुपय् आखः ब्वंकेगु ज्या यानागु खः । उकिं जितः मचातय्त आखः ब्वंकेगु ज्या थाकु मजुल । प्रा.वि. शिक्षिकाया रुपय् ज्या याना । लच्छिइ १५० तका वइ । थ्व ध्येबा जिं छतका दां हे थःत मकाःसे पार्टीयात बिइगु । जितः पार्टी छु खः ? पार्टीइ सु सु दु ? थुकिया बारे गुरु महेशमानं हे कनादीगु खः । महेशमानयात हे पार्टी तायेकाः व थ्वहे विश्वासय् जि न्ह्यां वना । वय्कलं भाषा कक्षाय् सुमन श्रेष्ठ, सुलोचना व जि लिसें स्वम्हेसिगु कमिटी दयेकादिल । उकी सचिव सुलोचनायात यानादिल । जिमिगु बैठक गुबलें सुलोचनाया छेँय् व गुबलें जिगु छेँय् व गुबलें सुमन श्रेष्ठया छेँय् च्वनेगु याना । सुमनया बाः कवि दुर्गालाल श्रेष्ठ खः । वय्कलं नं जिमितः न्ह्यःने वनेत प्रेरणा बियादिल । गुबलें गुबलें वय्कलं थःम्हं च्वःगु कविता जिमितः ब्वनाः न्यंकाः हौसला बियादी । सुमनया मां पूर्णदेवी श्रेष्ठ व किजा केहेँपिन्सं नं उलि हे ग्वाहालि याः ।

महेशमानं धयादीगु खँ शत्रुयात बुकेत यक्व पासापिं दयेकेमाः धैगु खँ न्ह्याबलें जितः मनय् थ्यू । महेशमाननाप इन्द्रदहलय् पिकनिक वनागु अन चीनया प्रख्यात नाटक ‘रातो लालटिन’ क्यनागु खः । उकी जिं नं भाग कया । उगु नाटकं जिमितः क्रान्तिकारी व जोश थप यात ।

(येँ ३ नम्बर प्रदेशया दुजः अष्टलक्ष्मी शाक्यं च्वयादीगु सफू ‘मेरो पाइला मेरो अनुभव’पाखें साभार)

Categorized in बिचा: