nepal life

महिला समाजया मिसा नेतृत्व विकास व न्वचूकला तालिम क्वचाल

नेवा: अनलाइन न्युज | २०७४ कार्तिक २७, सोमबार ०९:२५:०८

थिमि नगरपालिका वालकुमारी वडा ल्याः ४ या बालकुमारी महिला समाजपाखें ग्वसाः ग्वःगु नेवाः मिसा नेतृत्व विकास व न्वचूकला (उद्घोषण) तालिम क्वचाल ।

झिन्हुतक न्ह्याःगु उगु तालिमय् मुकं याना नींम्ह (२० म्ह) प्रशिक्षार्थीपिन्सं ब्वति कयादीगु ख । तालिमय् प्रशिक्षक कथं कम्यूनिटि सर्भिस डाइरेक्टर अफ रोटरी क्लबया मय्जु इन्डिजेनिएश टेलिभिजनया नेवाः ज्याझ्वः न्ह्याकामि लिसें गायिका श्रीजया शाक्यं तालिम बियादीगु ख ।

उगु ज्याझ्वः नेपाल संवत ११३८ कछलाथ्व अस्तमिनिसें न्ह्याःगु खः । समाजया नायो रिना महर्जनया नायोसुइ तालिम समापन ज्याभ्mवः जूगु खःसा ज्याझ्वलय् थिमि नपा ४ वडाया वडानायो कुमार श्रेष्ठ मूपाहाँ कथं झायादीगु खः ।

ज्याझ्वलय् तालिम कयादीपिन्त दसिपौ लःल्हाःगु खःसा प्रशिक्षक श्रीजया शाक्ययात ग्वसाः खलः समाजपाखें मतिनाया चिं नं लःल्हाःगु खः ।

–रिदेन महर्जन

Categorized in कला