nepal life

मनाङया अवस्था माइनस १६ डिग्री तापक्रम

नेवा: अनलाइन न्युज | २०७४ पौष २४, सोमबार ११:५३:०४

देय् न्यंकं हे ख्वाउँगु अप्वयाच्वंगु इलय् मनाङय् धाःसा माइनस १६ डिग्री तापक्रम थ्यंगु खः ।

बहनीया इलय् क्वाहाँ वःगु शीत जमिनय् बरफ हे जूगु खः । मनाङय् आः ज्या याइपिं ज्याकःमि व सरकारी ज्याकुथिया कर्मचारी जक खनेदयाच्वंगु दु । त्वनेगु लःया मुहान तकं बरफ जूगु दु । खुसिइ लः मखु बरफ बाः वनाच्वंगु खनेदु ।

अतिकं ख्वाउँगु अप्वयेधुंकाः अन च्वंपिं बासिन्दा छेँपाखें पिने पिहाँ वयेफयाच्वंगु मदु । फुक्क धैथें खापा तिनाः छेँ दुने हे च्वनाच्वंगु प्रमुख जिल्ला अधिकारी हरिप्रसाद पन्तं धयादीगु खः ।

झिंनिला हे ख्वाउँइगु मनाङ जिल्लाय् चिकुलाया इलय् प्रायः बासिन्दा चिकुला छलेयायेत मेमेगु थासय् वनेगु याइगु खः । उगु इलय् गामय् छेँ पिवाः च्वनीम्ह, चौरी स्वइम्ह व हिउँ वांछ्वइपिं बासिन्दा जक च्वनेगु याइ ।

चिकुला छलेयायेगु नितिं अनया बासिन्दा येँ, पोखरा, चितवन लिसें भारतयाबुद्धगया वनेगु याइगु खः । गांया फुक्क ज्याखँ क्वचायेकाः ब्यापारिक प्रयोजनया नितिं धुपी जुम्भु पाँचऔले लिसेंया जडीबुटी ज्वनाः वनेगु याइ ।

मंसीरया लिपांगु वाःपाखें मनाङ सुनसान जुइगु जूगुलिं आपाःधैथें माथिल्लो मनाङया विद्यालय दच्छियंकं चिकुइगु मौसमय् स्वला बन्द जुइगु जिल्ला शिक्षा अधिकारी टुकराज अधिकारीं धयादीगु दु ।

Categorized in स्थानिय-समाज