nepal life

मंसीर ८ व ९ गते न्हापांगु चरणया परिचयपत्र

नेवा: अनलाइन न्युज | २०७४ कार्तिक २६, आइतबार ०९:५०:२२

मंसीर १९ व २० गते निक्वःगु चरणया परिचयपत्र

मतदाता नामावलीइ नां दर्ता याःपिं तर परिचयपत्र काये ल्यंदनिपिं मतदाताया परिचयपत्र न्हापांगु चरणय् निर्वाचन जुइगु जिल्लाय् मंसीर ८ व ९ गते व निक्वःगु चरणया निर्वाचन जुइगु जिल्लाय् मंसीर १९ व २० गते वितरण याइगु जूगु दु ।

निर्वाचन आयोगया कथं वंगु भदौं ३ गतेतक मतदाता नामावलीइ नां दर्ता यानाः भदौ ५ गतेतकया दुने १८ दँ उमेर थ्यंपिं, ठाउँसारी व सचेयायेत निवेदन ब्यूपिं मतदातापिनिगु परिपयपत्र उगु तिथिइ सम्बन्धित मतदान केन्द्रपाखें उपलब्ध याकीगु जूगु दु ।

वइगु मंसीर १० व २१ गते जुइगु प्रतिनिधिसभा व प्रदेशसभा दुजः निर्वाचनया नितिं स्थानीय तहया निर्वाचनय् मतदाता परिचयपत्र काये ल्यंदनिपिन्त नं उगु तिथिइ मतदाता परिचयपत्र वितरण याइगु जुइ ।

स्थानीय तहया निर्वाचनय् मतदाता परिचयपत्र कायेधुंकूपिं मतदातापिन्सं वहे परिचयपत्रया आधारय् मतदान याये दइगु व्यहोरा निर्वाचन आयोगं फुक्कसित जानकारी ब्यूगु दु ।

Categorized in राष्ट्रिय