nepal life

मंगल ग्रहलय् बिजुली उत्पादन

२०७४ मङ्सिर १, शुक्रबार १८:३८:३४

मंगल ग्रहलय् वनीपिं यात्रुपिनिगु नितिं नासां अतिकं बांलाःगु तयारी यानाच्वंगु दु । आः नासां छम्ह अन्तरिक्ष परमाणु रिएक्टर परीक्षण यायेत्यंगु दु ।

उगु अन्तरिक्ष परमाणु रिएक्टरं अन्तरिक्ष यात्रीपिनिगु नितिं भविष्यय् आपालं सुविधा बिइगु व्यवस्था यानाच्वंगु दु । इपिं रिएक्टरया ग्वाहालिं उर्जा उत्पन्न यायेत सक्षम जुइ व इमिसं थुज्वःगु उपकरण चलेयायेत सक्षम जुइ गुबले ह्याउँगु ग्रहलय् उपलब्ध जूगु स्रोततय्त अक्सिजन, लः व इन्धनय् हिलेफइ । उगु अद्भूत किलोपावर रिएक्टर अन्तरिक्ष बाय् पृथ्वीपाखें तापाःगु छुं नं ग्रहलय् ताःईतक बिजुली शक्ति उत्पन्न यायेफइ ।

थ्व अतिकं चीधं जुइ व सरल तरिकाय् ऊर्जा उत्पन्न यायेफइगु सक्षम जूगु जुइ । छगू रिपोट कथं थुगु प्रविधिया माध्यमं १० दँ सिबें नं अप्वः र्ईतक मद्दिक्क १ निसें १० किलोवाटतक ऊर्जा शक्तिया उत्पन्न यायेफइ ।

उगु प्रविधि स्थायित्व जुइगुया हुनिं थ्व विश्वास यायेबहःगु नं जूगु दु । थ्व प्रोटोटाइप पावर सिस्टम पेपर टावल रोल यायेगुया बराबर आकारय् यूरेनियम–२३५ रिएक्टर कोर छ्यलाबुला याइ ।

अमेरिकाया लस एलामोस नेशनल लेबोरेटरीजय् किलोपावर ज्या परियोजनाया नेतृत्व याइगु पैट्रिक म्याकलिबरं धाःगु दु, “थ्व मंगल ग्रहया सतहथै. विषम परिस्थितितय्के ऊर्जाया छगू मू स्रोतया आधाय् ज्या यायेफइ ।

थुगु कथंया पावर यूनिट मंगल ग्रहलय् वनीपिं यात्रुया नितिं सुविधा जनक जुइ । बहनी जुइमा बाय् न्हिनय् जुइमा बिजुलीया समस्या जुइमखु ।”