nepal life

भ्यालेन्टाइन डेया हलंज्वलं छापे यायेमदइगु जुल पाकिस्तानी संचारमाध्यमं

नेवा: अनलाइन न्युज | २०७४ माघ २८, आइतबार ११:३९:३१

‘भ्यालेन्टाइन डे’ आपालं मुलुकय् लिपांगु इलय् राष्ट्रिय पर्वथें जूवनेधुंकूगु दु । पश्चिमा मुलुकया मिसा मिजं जक मखु, बृद्धपिं तकं थुगु पर्वया रौनकताय् न्ह्याइपुकेगु यानाः वःगु दु ।

तर, पाकिस्तानया छगू अदालतं भ्यालेन्टाइन डेया लसताय् मतिनालिसे सम्बन्धित छुं नं हलंज्वलं प्रसारण व प्रकाशन मयायेत संचारमाध्यमयात आदेश ब्यूगु दु ।

टेलिभिजन, रेडियो व पत्रपत्रिकायात भ्यालेन्टाइन डेया प्रमोशनजन्य हलंज्वलं प्रसारण व प्रकाशन मयायेत आदेश ब्यूगु खः । भ्यालेन्टाइनयात प्रमोशन यायेगु कथंया छुं नं हलंज्वलं मिडियां प्रमोशन यायेदइमखु ।

वंगु दँ पाकिस्तानया मेगु अदालतं भ्यालेन्टाइन डे न्यायेकेगुलिं प्रतिबन्ध तःगु खः । पाकिस्तानया इस्लामिक व दक्षिणपन्थी (राइट विंग) विचाःपाखें प्रभावितपिन्सं भ्यालेन्टाइन डेयात छगू भद्दा पर्वया रुपं व्याख्या यायेगु यानाः वयाच्वंगु दु ।

Categorized in अन्तर्राष्ट्रिय