nepal life

भुखाय् लिपाःन दना वयेमफुगु स्वनिगयाः सम्पदा

नेवा: अनलाइन न्युज | २०७४ माघ १६, मंगलबार १७:३८:५७

–इन्द्रमान महर्जन

“देगः व गुलि बाँलाः, स्वया सम्पदाया इतिहास झीसं,
म्वाकेनु ऐतिहासिकता, म्वाकेनु प्रमाण व प्रमाणिकता,
आःवया हाकनं झी झी हे दना...”

च्वये च्वंगु छपलाः चिनाखँ च्वमि स्वयंया खः ।

झीसं थौं वयाः झीगु स्वनिगः छगू ल्याखं कंक्रितया जंगल जुइधुंकल । छु इलय् छु जुइ धकाः धाये मफुगु इलय् ग्याःचिकुया भरे म्वायेमाःगु दु।

भुखाय् ब्वःगु ताः र्इ मदुनि भुखाय् ब्वःगु निदँ मल्याक ई वने धुंकाः नं छुं नं मजुगु खनेदु । आःतकया इलय् गुलि संरचनात दु, व फुक्क तेकाया भःरे म्वानाच्वंगु दु।

थौं वयाः झीगु संरचना झीगु न्ह्यःने लिपाः वया बाखं जुइत बेर मदु !

छु थ्व झीगु कमजोरी मखुला ? यलया सम्पदा विशेषज्ञ कथं म्हस्यूम्ह व स्काउट मास्टरसाप कथं नां जाःम्ह रामप्रसाद अमात्यया नं वहे चिन्ता खनेदु।  वय्कलं धयादीथें, आःतकया इलय् गुलि नं ज्या जुल व दक्व ठेक्काया भरे जुगु दु । छु थुकिं यानाः झीगु सम्पदाया इतिहास म्वाइला ? वय्कलं ब्वलंकुगु थुगु चिन्ता आःवया स्वनिगःया प्रत्येक नेवाःतसें वाःचायेके माःगु दु । वय्कःया धापू व चिउताः येँया मरुसतया पुनःनिर्माण गुगु इलय् जुल व १९९० या भुखाय् लिपा गुगु हालतय् सिधल, आःवया जुगु ढिलासुस्तियात कया झनझन चिन्ता प्वंकाः दिउगु दु।

झीगु इतिहास म्वाकेत झी हे मदंसा सु दनि ?  छु थथे याना झीगु इतिहास म्वाइला ? थौंया युवापुस्ता पश्चिमी संगीतप्रति आकर्षित जुयाच्वंगु इलय् छु थथे यानाः झीगु स्वनिगःया सम्पदाया मूर्त–अमूर्त म्हसिका म्वाइला ?

आः वया स्वनिगःया सम्पदाया पुनःनिर्माणया ज्याः दुने जुयाच्वंगु थीथी गतिविधियात नं छक्वः वाःचायेकेगु कि ? कि सम्पदा पुनःनिर्माणया ज्यायात कयाः झी गथे खः अथेहे लातां केरा स्वयेथें तुलुतुलु स्वया च्वनेगु ?

Categorized in बिचा: