नेवा: अनलाइन न्युज | २०७४ आश्विन ६, शुक्रबार ११:१३:१७

नेपाली कांग्रेसया युवानेता शैलेश बरे प्रदेश सभाया चुनाय् येँया ९ ल्याः क्षेत्रं दनीगु तयारी याःगु दु ।

येँया ९ ल्याः क्षेत्र अन्तर्गत वडा ल्याः १२, १४, २१ व २२ लाः ।

प्रदेश सभाया दाबेदार उम्मेदवार भाजु बरें नेवाः अनलाइन न्यूजलिसे खँ ल्हासें थःपिन्सं गुबलें नं पार्टीपाखें छुं हे तःधंगु पद आःतक मकायागु जूगुलिं पार्टीं थ्वपालय् थःत टिकट बिइगु विश्वास प्वंकादीगु दु । लिसें वय्कलं पार्टीया हनेबहःपिं नेतात थःत टिकट बिइमाःगु पक्षय् दूगु विचाः नं प्वंकादीगु दु ।

शैलेश बरे नेपाली कांग्रेसया २०४० सालनिसें सक्रिय कार्यकर्ता खःसा वय्कः २०४३ सालय् ताहाचल काठमाडौं क्याम्पस स्ववियु सदस्य चुनाव ल्वानादीम्ह खः ।

अथेहे, २०४४ सालय् उगु हे क्याम्पसपाखें नेविसंघं सचिव पदय् ल्वानादीगु खः । थ्वया लिपा वय्कः स्थानीय चुनावय् २०५४ सालय् येँया १२ वडां वडासदस्यय् ल्वानादीगु खः ।

नेपालभाषाया सक्रिय कार्यकर्ता भाजु बरे भाषा जाति संस्कृति व थीथी सामाजिक ज्याय् नं सक्रियम्ह व्यक्तित्व खः ।

Categorized in राजनीति