nepal life

भारत जुयाः साउदी अरब वनेत्यंपिं खुम्ह मिसातय्त उद्धारयात

नेवा: अनलाइन न्युज | २०७४ पौष २७, बिहिबार १८:००:४१

साउदी अरब यंकेगु नितिं खुम्ह मिसातय्त प्रहरी उद्धार याःगु दु ।
प्रक्रिया पूमवक भारत जुयाः साउदी अरब वने त्यपिं खुम्ह मिसातय्त प्रहरी धादिङया धार्के पाखें बुधबाः बहनि उद्धार याःगु खः ।

थथे उद्धार यापिं मिसातय्त माःगु परामर्शया नितिं माइती नेपालयात जिम्मा ब्यूगु दु ।
साउदी अरबय् ज्या मिले याना बिइ धकाः बांलाक म्ह तकं मस्यूपिंन्सं धार्के तक थथे सःता बुटवलया नितिं गाडी च्वने त्यंगु इलय् शंका जुयाः न्यने कने यायेगु झ्वलय् प्रहरीं उमित ज्वंगु खः ।

उद्धार यापिं मिसात दाङ घोराहीया ३५ दँया प्रसाद विश्वकर्मा, इलामया ३० दँया सुमन पाँचकोटे व तेह्रथुमया ३७ दँया शर्मिला कुमारी संकटायात  ज्वंनाः न्यंनेकने याःगु दु । उपिं साउदी अरबं बिदाय् वयाप्रिं धकाः प्रहरीयात धाःगु दु ।

Categorized in दुर्घटना-अपराध