nepal life

भारतय् कार व ट्रक ल्वात, न्याम्ह सित

नेवा: अनलाइन न्युज | २०७४ कार्तिक ३०, बिहिबार १७:४९:४७

उत्तरी भारतीय राज्य उत्तर प्रदेशय् कार व यात्रुवाहक बस थःथवय् ल्वानाः जूगु दुर्घटनाय् लानाः कम्ती नं न्याम्ह मनूत सीगु प्रहरीं बिहिवाः जानकारी ब्यूगु दु ।

उत्तर प्रदेशया प्रान्तीय राजधानी लखनउपाखें ५०० किलोमिटर तापाःगु साहरनपुन जिल्लाय् उकथं दुर्घटना जूगु खः । उगु घटनाय् लानाः कारय् च्वनावःपिं न्याम्ह हे मनूत दुर्घटनास्थलय् हे सीगु खः । घाःपाः जूपिं

यात्रुबाहक बसया यात्रुपिन्त धाःसा लिक्क च्वंगु अस्पतालय् वासः यायेगु नितिं भर्ना याःगु धाःगु दु ।

उच्च गतिइ वःगु बस चालकं थःगु नियन्त्रण गुमेयाःबलय् अःखः दिशां वयाच्वंगु कारयात ठक्कर ब्यूगु प्रहरीं जानकारी ब्यूगु दु ।

सरकारं उगु घटनाया अनुसन्धानया नितिं आदेश ब्यूगु दु । विश्वया मेमेगु देसतय्गु तुलनाय् भारतय् जुइगु लँपु दुर्घटनाया ल्याः उच्च जुयाच्वंगु दु ।

Categorized in अन्तर्राष्ट्रिय